قازاقستان حالىق پارتياسىنىڭ XIX كەزەكتەن تىس سەزىندە پارتيا باسشىلىعىنىڭ قۇرامى وزگەردى. ەرمۇحامەت ەرتىسباەۆ قحپ توراعاسى بولىپ سايلاندى, دەپ حابارلايدى Egemen.kz قحپ ءباسپاسوز قىزمەتىنە سىلتەمە جاساپ.
قحپ پارلامەنتتىك فراكتسياسىنىڭ بۇرىنعى باسشىسى, ءماجىلىس دەپۋتاتى ايقىن قوڭىروۆ توراعانىڭ ءبىرىنشى ورىنباسارى بولىپ تاعايىندالدى.
ەرمۇحامەت ەرتىسباەۆ پارتيا مۇشەلەرىنە سەنىم بىلدىرگەندەرى ءۇشىن العىس ايتىپ, سەنىمدى تولىق اقتاۋ ءۇشىن كۇش-قۋاتىن, ءبىلىمىن جانە ساياسي تاجىريبەسىن جۇمساۋعا ۋادە بەردى.
«قازاقستان حالىق پارتياسى – سولشىل-ورتالىق پارتيا. مەن ءۇشىن بۇل – وتە ماڭىزدى. مەن ءومىر بويى سوتسياليست بولدىم», دەدى ول.
جاڭا توراعا قازىرگى تاڭدا قازاقستاندىقتاردىڭ قحپ-عا دەگەن سەنىمى ايتارلىقتاي ارتىپ كەلە جاتقانىن اتاپ ءوتتى.
«حالىق پارتياسى دەگەن اتاۋدىڭ ءوزى ۋاقىت وتە كەلە ونىڭ ءماسليحاتتاردا, ماجىلىستە, سەناتتا ۇستەمدىك ەتۋ كەرەكتىگىن مەڭزەيدى», دەدى ەرمۇحامەت ەرتىسباەۆ.