بىرىككەن ۇلتتار ۇيىمىنىڭ قاۋىپسىزدىك كەڭەسى رەسەيدىڭ ۋكرايناعا قاتىستى قارارىن قابىلدامادى. كەڭەسكە مۇشە 13 ەل قالىس قالىپ, تەك قىتاي قولداعان, دەپ حابارلايدى Egemen.kz بۇۇ-نىڭ رەسمي مالىمدەمەسىنە سىلتەمە جاساپ.
قالىس قالعان ەلدەر قاتارىندا فرانتسيا, بريتانيا, اقش, ءۇندىستان, يرلانديا, كەنيا, مەكسيكا, نورۆەگيا, البانيا, برازيليا, گابون, گانا جانە بىرىككەن اراب امىرلىكتەرى بار.
جوبانى ماقۇلداۋ ءۇشىن, تۇراقتى 15 مۇشەنىڭ 9-ى داۋىس بەرۋى تيىس. ونى دايىنداۋعا بەلارۋس, سولتۇستىك كورەيا جانە سيريا وكىلدەرى قاتىسقان. وندا «بەيبىت تۇرعىنداردىڭ قاۋىپسىزدىگى قامتاماسىز ەتىلەدى, ازاماتتىق نىساندارعا شابۋىل جاسالمايدى» دەپ جازىلعان.