بۇگىن فۋتبولدان قازاقستان ۇلتتىق قۇراماسى مولدوۆامەن UEFA ۇلتتار ليگاسى وتپەلى ساتىسىنىڭ العاشقى ويىنىن وتكىزەدى, دەپ حابارلايدى Egemen.kz.
قازاقستان جانە مولدوۆا قۇرامالارىنىڭ دوداسى بۇگىن ەلوردا ۋاقىتىمەن 23:00-دە باستالادى. ويىن «Qazsport» تەلەارناسىنان تىكەلەي ەفيردە كورسەتىلەدى.
اتالعان كەزدەسۋگە قازىلىق ەتەتىن تورەشىلەر بەلگىلەندى. باس قازى قىزمەتىن گرەكيالىق اناستاسيوس سيديروپۋلوس اتقارادى. وعان پوليحرونيس كوستاراس پەن لازاروس ديميترياديس كومەكتەسەدى.
ايتا كەتسەك, ەكى قۇراما 29 ناۋرىزدا تاعى ءبىر ماتچ وتكىزەدى. جەڭىسكە جەتكەن قۇراما الداعى كەزەڭدە س ليگاسىنداعى ورنىن ساقتاسا, ۇتىلعان قۇراما د ليگاسىندا سىنعا تۇسەدى.