يسپانيالىق تەننيسشى, ۇلكەن دۋلىعا جارىستارىنىڭ 21 دۇركىن جەڭىمپازى رافاەل نادال تاعى ءبىر رەكورد ورناتتى, دەپ حابارلايدى Egemen.kz.
ينديان-ۋەللس دوداسىنىڭ جارتىلاي فينالىندا وتانداسى كارلوس الكاراسپەن كەزدەسكەن رافاەل نادال 3 ساعات 12 مينۋتقا سوزىلعان كەزدەسۋدە قارسىلاسىنان ايلاسىن اسىرىپ, اقتىق سىنعا جولداما الدى. بۇل اشىق الاڭداعى جارىستاردا رافاەل قول جەتكىزگەن 954-ءشى جەڭىس بولاتىن. وسىلايشا ول بۇعان دەيىن 953 مارتە قارسىلاستارىنان ايلاسىن اسىرعان ايگىلى رودجەر فەدەرەردىڭ رەكوردىن جاڭالادى. ەندى نادال فينالدا اقش سپورتشىسى تەيلور فريتتسپەن كەزدەسەدى.