تالعات مۇساباەۆ ۇلتتىق عارىش ورتالىعىندا بولىپ, «قازاقستان عارىش ساپارى» ۇك« اق قىزمەتكەرلەرىمەن كەزدەستى, دەپ حابارلايدى Egemen.kz.
كەزدەسۋگە قاتىسۋشىلار مەملەكەت باسشىسىنىڭ قازاقستان حالقىنا جولداۋىندا ايتىلعان نەگىزگى باستامالاردى تالقىعا سالدى.
سەناتور پرەزيدەنتتىڭ پارلامەنتكە, سونداي-اق وڭىرلىك اتقارۋشى جانە وكىلدى ورگاندارعا قاتىستى جاڭا ناقتى ساياسي رەفورمالاردى بەلگىلەگەنىن اتاپ ءوتتى.
«ەل پرەزيدەنتى وڭىرلەردى دامىتۋعا قاتىستى بىرقاتار باستامالاردى كوتەردى. ۇكىمەتكە ەلىمىزدىڭ اكىمشىلىك-اۋماقتىق قۇرىلىمىنىڭ وڭتايلى بولعانى اسا ماڭىزدى. مەملەكەت باسشىسىنىڭ ايتۋىنشا, داعدارىسقا بايلانىستى دۇربەلەڭگە ەشقانداي سەبەپ جوق. ءبىزدىڭ ەلىمىزدە اۋقىمدى داعدارىستى ەڭسەرۋگە قاجەتتى رەزەرۆ پەن قۇرالداردىڭ ءبارى بار. داعدارىسقا قارسى شارالار توپتاماسىن ىسكە اسىرۋ جانە ۇلتتىق ۆاليۋتانىڭ تۇراقتىلىعىن قامتاماسىز ەتۋ تۋرالى تاپسىرما بەرىلدى», دەدى مۇساباەۆ.
كەزدەسۋ بارىسىندا عارىش سالاسىنداعى كەلەشەگى زور باعىتتار, عارىش تەحنيكاسى جانە تەحنولوگياسى ماماندىعى بويىنشا عىلىمي سالا قىزمەتكەرلەرىن, جوعارى بىلىكتى ماماندار مەن تۇلەكتەردى قولداۋعا قاتىستى ماسەلەلەر تالقىلاندى.
سەناتور جاستاردىڭ يدەيالارى مەن جوبالارىن قولداۋعا, سونداي-اق عارىشتان مونيتورينگ جاساۋ مەن قاشىقتان زوندتاۋ مىندەتتەرى مەن مۇمكىندىكتەرىن كەڭەيتە وتىرىپ, عارىشتىق تەحنولوگيالاردى دامىتۋدى جالعاستىرۋعا شاقىردى.