اقتوبە, ماڭعىستاۋ, قىزىلوردا, باتىس قازاقستان جانە قاراعاندى وبلىستارىندا قاتتى جەل, تۇمان, كوكتايعاق جانە بۇرقاسىن كۇتىلەدى, دەپ حابارلايدى Egemen.kz.
«قازگيدرومەت» رمك نىڭ حابارلاۋىنشا, 18 ناۋرىزدا تۇندە اقتوبە وبلىسىنىڭ شىعىسىندا بوران, وڭتۇستىكتە تۇمان كۇتىلەدى. سولتۇستىك-شىعىستان سوققان جەلدىڭ ەكپىنى 16 م/س جەتەدى.
ماڭعىستاۋ وبلىسىنىڭ سولتۇستىگىنە تۇمان تۇسەدى.
قىزىلوردا وبلىسىنىڭ سولتۇستىگىندە تۇمان, تۇندە وڭتۇستىكتە كوكتايعاق كۇتىلەدى. سولتۇستىك-باتىستان سوققان جەلدىڭ جىلدامدىعى 15-20 م/س جەتەدى.
باتىس قازاقستان وبلىسىنىڭ سولتۇستىگىنە تۇمان تۇسەدى. ورالدا تۇندە جانە تاڭەرتەڭ تۇمان بولادى.
قاراعاندى وبلىسىنىڭ ورتالىعىندا, شىعىسىندا بوران, سولتۇستىك-شىعىستان سوققان جەل وڭتۇستىك-باتىسقا اۋىسادى. كۇندىز ورتالىقتا, شىعىستا جەل ەكپىنى 15-20 م/س جەتەدى. جەزقازعاندا بوران سوعادى.