15-16 ناۋرىز كۇندەرى ازيا-تىنىق مۇحيتى ماتەماتيكالىق حالىقارالىق وليمپياداسىندا ەلدىڭ ءار وڭىرىنەن 131 ءبىلىمپاز باق سىنادى, دەپ حابارلايدى Egemen.kz.
34-ءشى رەت ۇيىمداستىرىلعان ءبىلىم باسەكەسىنە الەمنىڭ 38 ەلى: ارگەنتينا, اۆستراليا, بانگلادەش, كامبودجا, كانادا, چيلي, كولۋمبيا, كوستا-ريكا, ەكۆادور, سالۆادور, گونكونگ, يندونەزيا, ياپونيا, كازاحستان, كورەيا, كىرگىزستان, مالايزيا, مەكسيكا, نوۆايا زەلانديا, پاكيستان, پاناما, پەرۋ, فيليپپينى, پۋەرتو-ريكو, كاتار, روسسيا, سينگاپۋر, شري-لانكا, تايۆان, تادجيكيستان, تايلاند, ترينيداد ي توباگو, تۋركمەنيستان, سشا, گوندۋراس, وڭتۇستىك افريكا, تۋرتسيا, ۋرۋگۆاي جانە ت.ب وزات وقۋشىلارى وفلاين فورماتتا قاتىستى.
ەسكەرتە كەتەتىنى, حالىقارالىق وليمپيادانى ۇيىمداستىرۋ كوميتەتى بارلىق ەلدەگى قاتىسۋشىلارعا ءبىر ۋاقىتتا تاپسىرما بەرىپ, ۇزدىكتەردى انىقتادى.
بيىلعى وليمپيادادا قازاقستاندىق تالاپكەرلەر جوعارى كورسەتكىش كورسەتتى. اتاپ ايتار بولساق, 131 وليمپياداشىنىڭ 40-ى جۇلدەلى ورىننان كورىندى. ونىڭ 5-ءى ءبىرىنشى ورىن, 13-ءى ەكىنشى ورىن, 22-ءى ءۇشىنشى ورىن الدى.
حالىقارالىق وليمپيادادا نۇر-سۇلتان قالاسىنداعى قوس ءبىلىم ورداسى – رەسپۋبليكالىق فيزيكا-ماتەماتيكالىق مەكتەپتىڭ (رفمم) وقۋشىسى تامەرلان بۋرامباەۆ مەن حالىقارالىق «SPECTRUM» مەكتەبىنىڭ وقۋشىسى فەتحۋللاح سام التىن مەدالعا يە بولدى.
سونداي-اق الماتى قالاسىنداعى رفمم وقۋشىسى رايىمبەك بايشۋاق, قوستاناي قالاسىنداعى دارىندى بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ وقۋشىسى جان داۋتوۆ, قاراعاندى قالاسىنداعى حيميا-بيولوگيا باعىتىنداعى نازارباەۆ ينتەللەكتۋالدى مەكتەبىنىڭ وقۋشىسى راحيم بايمۋرزين ۇزدىكتەر قاتارىنان كورىندى.