قر يدم ەكولوگيا, گەولوگيا جانە تابيعي رەسۋرستار مينيسترلىگىمەن بىرلەسە وتىرىپ, «جاسىل دامۋ» اق قاراجاتى ەسەبىنەن قازاقستان ازاماتتارىنىڭ جەڭىلدەتىلگەن نەسيەگە جەڭىل اۆتوكولىكتەر ساتىپ الۋ, سونداي-اق اۆتوبۋستار پاركىن جاڭارتۋ باعدارلاماسىن ازىرلەپ جاتىر, دەپ حابارلايدى Egemen.kz.
وتاندىق وندىرىلگەن تەحنيكانى ساتىپ الۋ شارتتارى, سونداي-اق قارجىلاندىرۋ ءتارتىبى مەملەكەتتىك ورگانداردا كەلىسۋ راسىمدەرىنەن ءوتۋ ساتىسىندا. ءساۋىر ايىنىڭ سوڭىنا دەيىن بارلىق راسىمدەردى اياقتاۋ جوسپارلانۋدا.
بۇعان دەيىن ۆەدومستۆو باعدارلاما شارتىن جاريالاعان ەدى. ول بويىنشا باستاپقى جارنا – 0 %, نەسيە مەرزىمى – 7 جىلعا دەيىن, نەسيەنىڭ ماكسيمالدى سوماسى – 10 000 000 تەڭگە.
قر يدم ءباسپاسوز قىزمەتىنىڭ حابارلاۋىنشا, جەڭىلدەتىلگەن نەسيەلەندىرۋ باعدارلاماسى بويىنشا قارجىلاندىرۋدىڭ جالپى سوماسى شامامەن 100 ملرد تەڭگە جوسپارلانسا, وڭىرلەردەگى اۆتوبۋستاردى جاڭارتۋعا شامامەن 30 ملرد تەڭگە قاراستىرىلىپ جاتىر.