الداعى ءۇش كۇندە ەلىمىزدە ايازدى اۋا رايى بولادى, دەپ حابارلايدى Egemen.kz.
«الداعى ءۇش تاۋلىكتە قازاقستاننىڭ سولتۇستىك جارتىسى سولتۇستىك-باتىس انتيتسيكلوننىڭ ىقپالىندا بولادى, وسىعان بايلانىستى ايازدى, جاۋىن-شاشىنسىز اۋا رايى كۇتىلەدى», دەپ حابارلادى «قازگيدرومەت».
تۇندە تەرمومەتردىڭ باعاندارى 20-عا جەتەدى...28 گرادۋس ايازعا جەتەدى.
وڭتۇستىكتە جىلى, بىراق قاتتى جاۋىن-شاشىن بولادى, قار مەن جاڭبىر جاۋادى.
«ەلدىڭ وڭتۇستىك جارتىسى وڭتۇستىك تسيكلوننىڭ جانە ونىمەن بايلانىستى اتموسفەرالىق فرونتتاردىڭ ىقپالىندا بولادى. جاۋىن-شاشىن, كەيدە قاتتى جەلدىڭ كۇشەيۋى, كوكتايعاق جانە اۋا تەمپەراتۋراسىنىڭ كۇندىز 0...10 جىلىعا دەيىن, تۇندە 0...10 ايازعا دەيىن تومەندەۋى كۇتىلەدى», دەپ حابارلادى سينوپتيكتەر.
سونداي-اق رەسپۋبليكا بويىنشا تۇمان بولادى.