«تايۆاننىڭ كومپيۋتەرلىك تەحنيكا وندىرۋمەن اينالىساتىن ASUS كومپانياسى جۇمىسشىلار مەن بيزنەستى رەسەيدەن ەۆاكۋاتسيالاۋ مۇمكىندىگىن قاراستىرادى», دەدى تايۆاننىڭ ەكونوميكا ءمينيسترى ۆان مايحۋا. بۇل تۋرالى ارالدىڭ ورتالىق اقپارات اگەنتتىگى مالىمەت تاراتتى دەپ حابارلايدى Egemen.kz.
«ەڭ الدىمەن ASUS ءوز جۇمىسشىلارى مەن بيزنەسىن رەسەيدەن ەۆاكۋاتسيالاۋ تۋرالى ويلانۋى مۇمكىن», - دەدى ۆان مايحۋا ۋكراينا تاراپىنىڭ رەسەيمەن قارىم-قاتىناستى توقتاتۋ تۋرالى ۇندەۋىنە تۇسىنىكتەمە بەرە وتىرىپ. بۇعان دەيىن ۋكراينانىڭ ۆيتسە-پرەمەرى, تسيفرلىق ترانسفورماتسيا ءمينيسترى ميحايل فەدوروۆ ASUS كومپيۋتەرلىك ەلەكترونيكا كومپانياسىنان رەسەيمەن قارىم-قاتىناستى جانە ەلدەگى قىزمەتتى توقتاتۋدى وتىنگەن ەدى.