بۇل تۋرالى ماجىلىستە قر ىشكى ىستەر ءمينيسترى مارات احمەتجانوۆ ايتتى, دەپ حابارلايدى Egemen.kz.
ونىڭ ايتۋىنشا, قاڭتار وقيعاسى كەزىندە «بەيبىت جينالىستار تۋرالى» زاڭعا سايكەس ءوز تالاپتارىن اشىق تۇردە مالىمدەۋ بويىنشا ازاماتتاردىڭ قۇقىقتارى ساقتالدى. بارلىق ايماقتاردا ءتۇسىندىرۋ جۇمىستارى جۇرگىزىلدى. كوتەرىلگەن ماسەلەنىڭ ناقتى شەشىمدەرى ۇسىنىلدى.
«بىراق وكىنىشكە قاراي اراعا ارانداتۋشىلار قوسىلدى. ناتيجەسىندە, بەيبىت جينالىس زاڭسىزدىققا ۇلاستى. ونىڭ ىشىندە اۆتو جانە تەمىرجولدار جابىلدى. ۆوكزال مەن اۋەجاي قىزمەتتەرىنە توسقاۋىل قويىلدى. قىزمەتتىك اۆتوكولىكتەر ورتەلدى. مەملەكەتتىك ورگانداردىڭ عيماراتتارى قورشالدى. زاڭدى تالاپتارعا باعىنباي, قارسىلىق كورسەتىلدى. سونىڭ وزىندە, پوليتسيا ەشقانداي كۇش قولدانعان جوق. بۇل جاعدايدى پايدالانىپ, مىڭداعان ب ۇلىكشىلەر پوليتسياعا شابۋىل جاسادى. ولاردىڭ جوعارى دەڭگەيدەگى دايىندىعى جانە ۇيىمشىلدىعى بايقالدى», دەدى مينيستر.
مارات احمەتجانوۆتىڭ اتاپ وتۋىنشە, ب ۇلىكشىلەردىڭ ارەكەتتەرى ناقتى تارتىپپەن ۇيىمداستىرىلعان. تەمىرلەر, تاستار, تاياقتار جانە تاعى باسقا قۇرالدار ىسكە قوسىلدى.
«وسىعان وراي, شۇعىل تۇردە ازاماتتار مەن قىزمەتكەرلەردىڭ دەنساۋلىعىن ساقتاۋ ماقساتىندا جاپپاي تارتىپسىزدىكتى توقتاتۋ قاجەت بولدى. تەك وسى ساعاتتان باستاپ پوليتسيا قىزمەتكەرلەرى ادامنىڭ ومىرىنە قاۋىپ توندىرمەيتىن ارنايى قۇرالدارمەن جابدىقتالدى. الايدا, ب ۇلىكشىلەر بۇنىمەن توقتاعان جوق. ولار قارۋ-جاراق دۇكەندەرىنە, پوليتسيا بولىمدەرىنە, باسقا دا مەملەكەتتىك ورگاندارعا شابۋىل جاسادى. 2 800-دەن استام قارۋ-جاراق پەن وق-دارىلەر ۇرلاندى», دەدى مينيستر.