ازىق-ت ۇلىك ونىمدەرىن ءوندىرۋ توقتاتىلمايدى

بۇعان دەيىن حابارلانعانداي, ازىق-ت ۇلىك قاۋىپسىزدىگى, سونداي-اق رەسپۋبليكانىڭ اۋىل شارۋاشىلىعى قۇرىلىمدارىنىڭ ۇزدىكسىز جۇمىسىنىڭ ماسەلەسى تۇراقتى باقىلاۋدا.

جەدەل دەرەكتەرگە سۇيەنسەك, رەسپۋبليكا بويىنشا بارلىعى 1,5 ملن توننا الەۋمەتتىك ماڭىزى بار ازىق-ت ۇلىك تاۋارلارىنىڭ قورى بار. ونىڭ ىشىندە ۇن – 145,1 مىڭ توننا, قانت – 47,6 مىڭ توننا, كۇرىش – 40,2 مىڭ توننا, ماكارون – 21,3 مىڭ توننا جانە 1 ملن توننا كوكونىس ونىمدەرى جانە ت. ب.

ازىق-ت ۇلىك ونىمدەرىن ءوندىرۋ توقتاتىلمايدى, قورلار جۇيەلى نەگىزدە تولىقتىرىلادى. جارما, ۇن, كونسەرۆىلەر جانە باسقا دا تاۋارلار ءوندىرىسى ءۇشىن جەتكىلىكتى شيكىزات, سونداي-اق ەت جانە ءسۇت ونىمدەرىن ءوندىرۋ ءۇشىن جەتكىلىكتى مال باسى بار.

كوپتەگەن جىلدار بويى قازاقستان استىق پەن ۇندى الەمدىك نارىققا شىعارۋ جانە جەتكىزۋ بويىنشا جەتەكشى ورىنعا يە بولىپ كەلەدى. قر ۇلتتىق ستاتيستيكا بيۋروسىنىڭ رەسمي دەرەكتەرىنە سايكەس, 2022 جىلعى 1 اقپانداعى جاعداي بويىنشا رەسپۋبليكا بويىنشا ءداندى جانە ءداندى-بۇرشاقتى داقىلداردىڭ قورى 10 ملن توننانى قۇرايدى.

رەسپۋبليكا بويىنشا بارلىعى 8,1 ملن توننا بيداي بار (ونىڭ ىشىندە 6,7 ملن توننا ازىق-ت ۇلىك جانە 0,3 ملن توننا جەمشوپ), 1,2 ملن توننا ارپا, داندىك جۇگەرى - 157 مىڭ توننا, قارا بيداي - 26 مىڭ توننا.

وسىلايشا, رەسپۋبليكا ىشكى نارىقتىڭ استىققا قاجەتتىلىگىن ءوز ءوندىرىسى ەسەبىنەن تولىق كولەمدە قامتاماسىز ەتۋگە قابىلەتتى.

جەرگىلىكتى اتقارۋشى ورگانداردىڭ دەرەكتەرى بويىنشا 2022 جىلعى 4 ناۋرىزداعى جاعداي بويىنشا 47,6 مىڭ توننا قانت بار (تۇراقتاندىرۋ قورلارىندا – 3,7 مىڭ توننا, ساۋدا وبەكتىلەرىندە – 26,7 مىڭ توننا, كاسىپورىنداردا – 11,2 مىڭ توننا, قويمالاردا 5,8 مىڭ توننا).

سونىمەن قاتار, ەۋرازيالىق ەكونوميكالىق كوميسسيا كەڭەسىنىڭ 2021 جىلعى 2 جەلتوقسانداعى № 140 شەشىمىمەن قازاقستان رەسپۋبليكاسىنا 2022 جىلدىڭ 31 تامىزىنا دەيىنگى مەرزىمگە تاريفتىك جەڭىلدىكتەردى قولدانۋ ارقىلى 250 مىڭ توننا كولەمىندە اق قانت پەن قانت شيكىزاتىن اكەلۋ قۇقىعى بەرىلدى.

قازىرگى ۋاقىتتا ەەك كەڭەسىنىڭ شەشىمىن ىسكە اسىرۋ ءۇشىن قازاقستان رەسپۋبليكاسى اۋىل شارۋاشىلىعى ءمينيسترىنىڭ بۇيرىعىمەن اق قانت پەن قۇراق شيكىزاتى قانتىن اكەلۋگە كۆوتا ءبولۋ قاعيدالارى مەن ءتارتىبى بەكىتىلدى.

سونىمەن قاتار, اۋىل شارۋاشىلىعى مينيسترلىگى اوك دامىتۋدىڭ 2021-2025 جىلدارعا ارنالعان ۇلتتىق جوباسى اياسىندا يمپورتتى الماستىرۋ بويىنشا جۇيەلى جۇمىس جۇرگىزىپ جاتىر. نەعۇرلىم يمپورتتالاتىن پوزيتسيالار ايقىندالدى, ولاردىڭ ارقايسىسى بويىنشا ناقتى ينۆەستيتسيالىق جوبالار ىسكە اسىرىلىپ جاتىر.

«مەجەلەنگەن ماقساتقا قول جەتكىزۋ ءۇشىن بىرقاتار مەملەكەتتىك قولداۋ شارالارى, ونىڭ ىشىندە جەڭىلدىكپەن كرەديتتەۋ, سۋبسيديالاۋ, جەر رەسۋرستارى, ينفراقۇرىلىم, سونداي-اق ىشكى نارىقتى قورعاۋ جونىندەگى شارالارمەن قامتاماسىز ەتۋ بويىنشا جۇزەگە اسىرىلادى», دەلىنگەن حابارلامادا.