بۇگىن س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى ايگىلى دارىگەرلەر مەن وقىتۋشىلاردىڭ ەسىمدەرىن ەستە قالدىرۋ ءداستۇرىن جالعاستىردى. وسىلايشا قازاق ونكولوگيا جانە راديولوگيا عىلىمي-زەرتتەۋ ينستيتۋتىنداعى قازۇمۋ ونكولوگيا كافەدراسىنا وتاندىق ونكولوگيالىق قىزمەتتىڭ نەگىزىن قالاعان ساكەن نۇعمانوۆتىڭ ەسىمى بەرىلدى, دەپ حابارلايدى Egemen.kz.
«بۇگىن ونكولوگتار مەن راديولوگتار ءۇشىن ماڭىزدى كۇن. ونكولوگيالىق قىزمەتتە تالاي ماقساتتارعا قول جەتكىزىلگەنىمەن, بىرقاتار ماسەلەلەر وزەكتىلىگىن جوعالتقان جوق. قازىرگى ۋاقىتتا پروفەسسور ساكەن نۇعمان ۇلى باستاعان ءىستى ونىڭ شاكىرتتەرى جالعاستىرىپ جاتىر. ونكولوگيا كافەدراسى ونكولوگيالىق كومەك كورسەتەتىن بارلىق ۇيىمداردا جۇمىس ىستەيتىن مامانداردى وقىتادى. ەندىگى جەردە قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ نەگىزىن قالاۋشى, پروفەسسور ساكەن نۇعمان ۇلى نۇعمانوۆتىڭ ەسىمى ۇرپاقتار جادىندا ماڭگى ساقتالاتىن عالىمدار, دارىگەرلەر مەن وقىتۋشىلار قاتارىنان لايىقتى ورىن الدى», دەدى قازوجرعزي باسقارما ءتورايىمى, قازاقستاننىڭ باس ونكولوگى ديليارا قايداروۆا.
مەديتسينا عىلىمدارىنىڭ دوكتورى, پروفەسسور ساكەن نۇعمان ۇلى نۇعمانوۆ قازاق كسر ەڭبەك سىڭىرگەن دارىگەرى, بۇكىلوداقتىق ونكولوگتار مەن اكۋشەر-گينەكولوگتار قوعامىنىڭ باسقارما مۇشەسى, قازاقستان ونكولوگتارى عىلىمي-مەديتسينالىق قوعامىنىڭ توراعاسى, كىشى مەديتسينالىق ەنتسيكلوپەديا رەدكوللەگيا كەڭەسىنىڭ مۇشەسى, كسرو حعا پرەزيديۋمى جانىنداعى قاتەرلى ىسىك جونىندەگى عىلىمي كەڭەستىڭ مۇشەسى, قازاق كەڭەس ەنتسيكلوپەدياسى رەدكوللەگيا كەڭەسىنىڭ مۇشەسى, قازاق كسر دەنساۋلىق ساقتاۋ مينيسترلىگىنىڭ باس ونكولوگى بولدى. 1962 جىلى كسرو دەنساۋلىق ساقتاۋ مينيسترلىگىنىڭ الماتى دارىگەرلەر ءبىلىمىن جەتىلدىرۋ ينستيتۋتىنىڭ ونكولوگيا كافەدراسىن ۇيىمداستىرىپ, ونى باسقاردى. 1971 جىلى الماتى مەملەكەتتىك مەديتسينا ينستيتۋتىنىڭ ونكولوگيا كافەدراسىنىڭ نەگىزىن قالاپ, ءومىرىنىڭ سوڭىنا دەيىن باسقاردى.
«سوعىستان كەيىنگى قيىن-قىستاۋ كەزەڭدە بولاشاق ۇرپاق ءۇشىن ءبارىن جاساعان, جاڭا ورتالىقتار اشىپ, ىرگەلى زەرتتەۋلەر جۇرگىزىپ, الەمدىك جانە وتاندىق دەنساۋلىق ساقتاۋدىڭ دامۋىنا زور ۇلەس قوسقان كورنەكتى پروفەسسورلارعا قۇرمەت كورسەتۋ ءۇشىن بيىل ءبىز ۋنيۆەرسيتەتتە وسىنداي ارنايى جوبانى ىسكە قوستىق. مەن ونكولوگيا ينستيتۋتى مەن ونكولوگيا كافەدراسىنىڭ اشىلۋ تاريحىن زەرتتەگەندە, بارلىق رەسپۋبليكالاردا وسىنداي ءبىرىنشى ساناتتاعى ونكولوگيالىق عزي اشىلعان كەزدە تەك ماسكەۋ قالاسىندا عانا ينستيتۋتتارمەن بىرگە قازاق ونكولوگيا جانە راديولوگيا ينستيتۋتى بولعانى تاڭ قالارلىق جاعداي بولدى. ولار ءبىزدىڭ ماماندارىمىزدىڭ 25 سومنان كوپ الاتىندىعىمەن ەرەكشەلەندى. مۇندا بىرەگەي زەرتحانالار اشىلدى, مەن ءوزىم فارماكولوگ بولعاندىقتان, بۇل بىرەگەي فارماكولوگيا زەرتحاناسى دەپ تولىق ايتا الامىن. قازىر ونكولوگيانى ەمدەۋدە قولدانىلاتىن كوپتەگەن ءدارى-دارمەكتەر, ولاردىڭ نەگىزدەرى وسى جەردە جاسالدى. بۇگىن ماعان ساكەن نۇعمان ۇلى نۇعمانوۆ اتىنداعى قازۇمۋ ونكولوگيا جانە راديولوگيا كافەدراسىنا بەرىلەتىن سەرتيفيكاتتى تابىستاۋعا رۇقسات ەتىڭىزدەر. بۇل شەشىمدى ۋنيۆەرسيتەت سەناتى قابىلدادى. سەنات اتىنان, ۋنيۆەرسيتەت اتىنان جانە جەكە ءوز اتىڭىزدان وسى سەرتيفيكاتتى كافەدرا مەڭگەرۋشىسى ديليارا راديكقىزى كايداروۆاعا تابىستاۋعا رۇقسات ەتىڭىزدەر», دەدى قازۇمۋ رەكتورى تالعات نۇرعوجين.
ۇلى پروفەسسوردىڭ ەسىمىن بەرۋدىڭ سالتاناتتى ءىس-شاراسىنا ساكەن نۇعمانوۆتىڭ ستۋدەنتتەرى قاتىسىپ, ونىڭ ەڭبەكسۇيگىشتىگى مەن دارىگەرلىك, سونداي-اق پەداگوگيكالىق قاسيەتتەرىن ەسكە الدى.
س.ن.نۇعمانوۆ عىلىمي, ۇيىمداستىرۋشىلىق جانە قوعامدىق قىزمەتتەرىمەن بارگە ۇنەمى دارىگەرلىك مىندەت مايدانىندا ءجۇردى. ونىڭ قاتىسۋىنسىز نەمەسە كەڭەسىنسىز بىردە-ءبىر كۇردەلى وپەراتسيا وتپەدى. ول ناۋقاستاردىڭ سەنىمىنە يە بولعان دارىگەر جانە قازاق سسر-ءنىڭ ەڭبەك سىڭىرگەن دارىگەرى اتاعىنا شىن مانىندە لايىقتى تۇلعا ەدى.
«قۇرمەتتى ارىپتەستەر, مەن ءوز ءسوزىمدى «ايتەۋىر» سوزىمەن باستاعىم كەلىپ وتىر. بارشاڭىزدى وسى ايتۋلى كۇنمەن, ءبىزدىڭ كافەدراعا ۇلى ۇستاز ساكەن نۇعمان ۇلى نۇعمانوۆتىڭ ەسىمىن بەرۋ مەرەكەسىمەن قۇتتىقتاعىم كەلەدى. 1975 جىلى حيرۋرگيا دارىگەرلەرىن جەتىلدىرۋ ينستيتۋتىنىڭ وپەراتسيالىق بولىمىندە تاڭەرتەڭ وپەراتسيا بولمەسىنە كەلگەنىمىز ەسىمدە. وپەراتسيالىق ۇستەلدە 2 حيرۋرگ تۇر ەدى. ساكەن نۇعمان ۇلى وپەراتسيا جاساپ جاتتى, بۇل مەنىڭ ءومىر بويى ەسىمدە قالعان كورىنىس – قازاقستاندىق مەديتسيناداعى ەكى ۇلى حيرۋرگتىڭ ءبىر وپەراتسيالىق ۇستەلدە مەيىربيكەگە وپەراتسيا جاساعان كەزى بولاتىن», دەدى قازۇمۋ ونكولوگيا جانە راديولوگيا كافەدراسىنىڭ بۇرىنعى مەڭگەرۋشىسى باحىت قايداروۆ.
باحىت قايداروۆ كافەدراعا ساكەن نۇعمانوۆتىڭ ەسىمىن بەرۋ تۋرالى ۇسىنىس بىرنەشە رەت, الدىمەن 80 جىلدارى, سودان كەيىن 2000 جىلدارى شىعارىلعانىن, بىراق ۋنيۆەرسيتەت باسشىلىعى سول كۇندەرى بۇل ءىستى اياقتاماعانىن ەسكە سالدى.
ساكەن نۇعمانوۆتىڭ قىزى, پروفەسسور ءجاميلا ساكەنقىزى نۇعمانوۆا: «ونكولوگيا كافەدراسىنا اكەمنىڭ اتىن بەرۋدە مەن جەكە ءوزىمدى بايلانىستىرۋشى ءجىپ دەپ باعالايمىن. بۇل ءجىپ ۇزىلمەيدى, ۇرپاقتار ساباقتاستىعى ءبىزدىڭ مەديتسينالىق ماماندىعىمىزدىڭ نەگىزگى تىرەگى بولىپ جالعاسا بەرسىن» دەپ ريزاشىلىعىن ءبىلدىردى.