بىلتىرعىداي جەم-ءشوپ تاپشىلىعى بولماۋ ءۇشىن «ازىق-ت ۇلىك كەلىسىمشارت كورپوراتسياسى» فورۆاردتىق ساتىپ الۋ اياسىندا شارۋاشىلىقتاردى جەم-ءشوپ دايىنداۋعا ىنتالاندىرۋى كەرەك. قر پرەمەر-ءمينيسترى ءاليحان سمايىلوۆ ۇكىمەت وتىرىسىندا وسىنداي تاپسىرما بەردى, دەپ حابارلايدى Egemen.kz.
ۇكىمەت باسشىسى بۇل باعىتتا مەملەكەتتىك ورگاندارعا بىرنەشە ناقتى تاپسىرما جۇكتەدى.
ء«بىرىنشى, اۋىل شارۋاشىلىعى مينيسترلىگى اكىمدىكتەرمەن بىرلەسىپ, الەۋمەتتىك ماڭىزى بار داقىلدار مەن جەم-ءشوپتى جەتكىلىكتى كولەمدە ەگۋدى قامتاماسىز ەتسىن. وتكەن جىلى ەلىمىزدىڭ كەيبىر ايماقتارىندا جەم-شوپپەن قامتاماسىز ەتۋ بويىنشا پروبلەمالار بولعانىن بىلەمىز. بيىل بۇل جاعداي قايتالانباۋى ءتيىس. سوندىقتان «ازىق-ت ۇلىك كەلىسىمشارت كورپوراتسياسى» ءوزىنىڭ فورۆاردتىق ساتىپ الۋى اياسىندا شارۋاشىلىقتاردى وسى جۇمىسقا ىنتالاندىرۋى كەرەك», دەدى ءاليحان سمايىلوۆ.
سونداي-اق ول شارۋالاردى سۋمەن قامتۋ شارالارىنا دا توقتالدى.
«ەكىنشى, ەكولوگيا مينيسترلىگى اۋىل شارۋاشىلىعى مينيسترلىگىمەن جانە اكىمدەرمەن بىرگە جاز ايلارىندا شارۋالاردى سۋمەن قامتاماسىز ەتۋ شارالارىن قابىلداسىن. ءۇشىنشى, يندۋستريا مينيسترلىگى اكىمدەرمەن بىرلەسىپ, ءبىرىنشى كەزەكتە, ىشكى نارىقتى قامتاماسىز ەتۋ ءۇشىن مينەرالدىق تىڭايتقىشتاردى وندىرۋشىلەرمەن جۇمىس جۇرگىزسىن», دەدى پرەمەر-مينيستر.