قازاقستاندا ەت باعاسى ءوستى

Energyprom زەرتتەۋشىلەرىنىڭ مالىمەتتەرى بويىنشا, وڭىرلىك بولىنىستە ءونىمنىڭ باسىم بولىگى ءداستۇرلى تۇردە الماتى وبلىسىنا تيەسىلى.

كوشباسشىلار ۇشتىگىنە تۇركىستان جانە اقمولا وبلىستارى دا كىردى.

«2021 جىلعى قاڭتار-جەلتوقساندا مال شارۋاشىلىعى ونىمدەرىنىڭ جالپى شىعارىلىمى 3,1 ترلن تەڭگەنى قۇرادى – ءبىر جىل بۇرىنعىعا قاراعاندا ناقتى ماندە 3,6%-عا ارتىق», دەلىنگەن زەرتتەۋدە.

2022 جىلدىڭ 1 اقپانىنا قاراي ەلىمىزدە جىلقى سانى ءبىر جىلدا 11,3%-عا, 3,4 ملن باسقا دەيىن, قۇس - 9,2%-عا, 47,3 ملن باسقا دەيىن, تۇيە - 7,5%-عا, 241,5 مىڭ باسقا دەيىن, قوي - 4,5%-عا, 18,5 ملن باسقا دەيىن, ىقم-3,9%-عا, 8,3 ملن باسقا دەيىن ءوستى, ونىڭ ىشىندە سيىر سانى - 5,4%-عا, 4,2 ملن باسقا دەيىن ارتتى.

شوشقا باسى 2,6%-عا, 823,3 مىڭ باسقا دەيىن, سونداي-اق ەشكى باسى 1,2%-عا, 2,3 ملن باسقا دەيىن قىسقاردى.

جالپى, مال شارۋاشىلىعى سالاسىنداعى ءوندىرىس وڭ ناتيجە بەرۋدە.

وسىلايشا, 2022 جىلدىڭ قاڭتارىندا تاۋىق جۇمىرتقاسىنىڭ ءوندىرىسى ايتارلىقتاي ءوستى - جىلىنا بىردەن 18,4%-عا, 369,7 ملن داناعا دەيىن.

قازاقستان بويىنشا بولشەك ساۋدا نۇكتەلەرىندە ەت پەن قۇس ەتىنىڭ باعاسى 2022 جىلعى قاڭتار ايىنىڭ قورىتىندىسى بويىنشا ءبىر جىلدا 11,3%-عا ءوستى.

«ونىڭ ىشىندە قوي ەتى – 15,4%-عا, جىلقى ەتى – 11,8%-عا, شوشقا ەتى - 10,2%-عا, سيىر ەتى - 8,3%-عا قىمباتتادى. پىسىرىلگەن شۇجىقتىڭ قۇنى 7,2%-عا, جارتىلاي ىستالعان شۇجىقتىڭ قۇنى 9,1%-عا ءوستى», دەلىنگەن زەرتتەۋدە.

قر دۇكەندەرى مەن بازارلارىندا سيىر ەتىنىڭ ورتاشا باعاسى كگ ءۇشىن 2,2 مىڭ تەڭگەنى, قوي ەتىنە - 2,4 مىڭ تەڭگەنى, شوشقا ەتىنە - 1,9 مىڭ تەڭگەنى, جىلقى ەتىنە - 2,6 مىڭ تەڭگەنى قۇرادى. پىسىرىلگەن شۇجىق ءبىر كگ ءۇشىن ورتا ەسەپپەن 2,2 مىڭ تەڭگە, جارتىلاي ىستالعان شۇجىق - 2,6 مىڭ تەڭگە تۇرادى.