ۋكراينانىڭ بۇرىنعى پرەزيدەنتى ۆيكتور يانۋكوۆيچ قازىرگى مەملەكەت باسشىسى ۆلاديمير زەلەنسكيگە كەز كەلگەن تاۋەكەلگە بارۋ ارقىلى قانتوگىستى توقتاتۋعا شاقىردى, دەپ حابارلايدى Egemen.kz.
يانۋكوۆيچتىڭ ايتۋىنشا, قاقتىعىسقا قاتىسى بار تاراپتار بەيبىت كەلىسىمدى كۇتۋدە.
«مەن ءسىزدىڭ «كەڭەسشىلەرىڭىز» كوپ ەكەنىن جاقسى تۇسىنەمىن, بىراق ءسىز قانتوگىستى توقتاتىپ, بەيبىت كەلىسىمگە كەلۋگە مىندەتتىسىز. بۇنداي قادامدى سىزدەن ۋكراينا, دونباسس جانە رەسەي تاراپى كۇتىپ وتىر. دۇرىس قادامعا بارساڭىز, سىزگە ۋكراين حالقى مەن باتىستاعى سەرىكتەستەرىڭىز ريزا بولادى», دەلىنگەن ەكس-پرەزيدەنتتىڭ ۇندەۋىندە.
رەسەي مەن ۋكراينا دەلەگاتسيالارى كەلىسسوزدەرىنىڭ ءۇش راۋندى بەلارۋس اۋماعىندا ءوتتى. ەكىنشى راۋند بارىسىندا تاراپتار ازاماتتاردى ەۆاكۋاتسيالاۋ, ازىق-ت ۇلىك پەن ءدارى-دارمەك جەتكىزۋ ءۇشىن گۋمانيتارلىق دالىزدەردى بىرلەسىپ قامتاماسىز ەتۋ تۋرالى تۇسىنىككە قول جەتكىزدى. كەلىسسوزدەردىڭ ءتورتىنشى راۋندى جاقىن ارادا وتەدى دەپ كۇتىلۋدە.