حالىقارالىق ايەلدەر كۇنى قارساڭىندا قر ستراتەگيالىق جوسپارلاۋ جانە رەفورمالار اگەنتتىگى قازاقستان ايەلدەرى تۋرالى ينفوگرافيكا دايىندادى, دەپ حابارلايدى Egemen.kz.
بيىلعى جىل باسىنداعى مالىمەت بويىنشا قازاقستاندا 9,8 ميلليون ايەل جانە 9,3 ميلليون ەر ادام تۇرادى.
بۇل رەتتە 6 ميلليونعا جۋىق ايەل قالادا, 3,8 ميلليونى اۋىلدا تىرشىلىك كەشىپ جاتىر. قازاقستاندىق ايەلدەردىڭ ورتاشا جاسى – 33,5, نەكەگە تۇرۋ جاسى – 24,8.
ءومىر ءسۇرۋ ۇزاقتىعى 75,5 جاس. 2021 جىلدىڭ 4-توقسانىنداعى دەرەكتەرگە سايكەس, ايەلدەر كوبىنەسە كەلەسى كاسىبي سالالاردا جۇمىس ىستەيدى: ءبىلىم بەرۋ, بيزنەس جانە باسقارۋ, ساتۋشىلار مەن ساتۋ قىزمەتكەرلەرى, ساۋدا, قىزمەت كورسەتۋ.