ەلىمىزدە مەملەكەتتىك باسقارۋ اكادەمياسىنا قابىلداۋ باستالدى. جاڭا وقۋ جىلىنا 10 ماگيسترلىك جانە 3 دوكتورلىق باعدارلاما ازىرلەنگەن, دەپ حابارلايدى Egemen.kz «حابار24» تەلەارناسىنا سىلتەمە جاساپ.
اكادەمياعا تۇسۋگە نيەتتى تالاپكەرلەر قۇجاتىن ونلاين فورماتتا تاپسىرادى. جىل سايىن مۇندا مەملەكەتتىك تاپسىرىس نەگىزىندە 120 ماگيستراتۋرا جانە 12 دوكتورانتۋراعا گرانت بولىنەدى.
اكادەميا رەكتورى ەرلان ءابىلدىڭ ايتۋىنشا, مەملەكەتتىك اپپاراتتى بىلىكتى ماماندارمەن قامتاماسىز ەتۋ وزەكتى. بۇگىنگە دەيىن وقۋ ورنىن 3000-عا تارتا تۇلەك ءتامامداسا, ونىڭ 1000-عا جۋىعى مەملەكەتتىك قىزمەتتە ءجۇر.