سارسەنبى كۇنى رۋمىنيانىڭ وڭتۇستىك-شىعىسىندا IAR 330-Puma اسكەري تىكۇشاعى اپاتقا ۇشىرادى. ناقتىلانعان مالىمەت بويىنشا, اپات سالدارىنان جەتى ادام قازا تاپقان, دەپ حابارلايدى Egemen.kz AGERPRES اگەنتتىگىنە سىلتەمە جاساپ.
ۇشاق بورتىندا ەكيپاجدىڭ جەتى مۇشەسىنەن باسقا رۋمىنيا اسكەري-تەڭىز كۇشتەرىنىڭ ەكى قۇتقارۋشىسى بولعان.
تىكۇشاق پاترۋلدىك ۇشۋ كەزىندە راداردان جوعالىپ كەتكەن ميگ-21 جويعىش ۇشاعىن ىزدەۋ ءۇشىن ۇشىپ شىققان.
اپاتقا ۇشىراعان تىكۇشاقتاعى جەتى اسكەري قىزمەتكەردىڭ قازا تاپقانىن رۋمىنيا ارمياسى قورعانىس شتابىنىڭ باسشىسى گەنەرال دانيەل پەترەسكۋ راستادى.
قازىرگى ۋاقىتتا ميگ-21 ۇشقىشىن ىزدەۋ جۇمىستارى جالعاسۋدا.