اتىراۋ وبلىسى اكىمدىگى مەملەكەتتىك قىزمەت كورسەتۋ ماسەلەلەرىن ۇيلەستىرۋ ءبولىمىنىڭ باسشىسى تۇرارگۇل ءىزباسوۆانىڭ مالىمەتىنە سۇيەنسەك, بىلتىر 3 804 723 مەملەكەتتىك قىزمەت كورسەتىلدى. ونىڭ 97 پايىزىن ەلەكتروندى قىزمەت ءتۇرى قۇراعان.
– مەملەكەتتىك ورگاندار ارقىلى قاعاز تۇرىندە كورسەتىلگەن 59 339 قىزمەت بار. تۇرعىندار «ازاماتتار ءۇشىن ۇكىمەت» مەملەكەتتىك كورپوراتسياسى ارقىلى 55 373 قىزمەت الدى. ال «ەلەكتروندى ۇكىمەت» ۆەب-پورتالى مەن مەملەكەتتىك ورگاننىڭ اقپاراتتىق جۇيەسى ارقىلى ەلەكتروندى تۇردەگى قىزمەت 3 690 011-ءدى قۇرادى. بۇل – بارلىق كورسەتىلگەن قىزمەتتىڭ 97 پايىزى, – دەيدى تۇرارگۇل ءىزباسوۆا.
ونىڭ ايتۋىنشا, وتكەن جىلى 39 زاڭ بۇزۋشىلىق دەرەگى تىركەلگەن. تالداۋ كەزىندە قۇجاتتار ءتيىستى اقپاراتتىق جۇيەلەردە مەرزىمىندە وڭدەلمەگەنى انىقتالىپ وتىر. زاڭ بۇزۋشىلىق لوگين مەن قۇپيا ءسوزدى ۋاقتىلى الماۋ, ەلەكتروندى تسيفرلى قولتاڭبانى دەر كەزىندە اۋىستىرماۋ, جاۋاپتى مامانداردىڭ بىلىكتىلىگىن ارتتىرىلماعانىنىڭ سالدارىنان بولادى ەكەن. ءتىپتى كەي ماماندار ەلەكتروندى تۇردە تۇسكەن قۇجاتتار اينالىسىنا نەمقۇرايلى قاراعان.
اتىراۋ وبلىسى