قر پرەمەر-ءمينيسترىنىڭ ورىنباسارى ەرالى توعجانوۆ ەڭبەك جانە حالىقتى الەۋمەتتىك قورعاۋ ءمينيسترلىنىڭ كەڭەيتىلگەن القا ماجىلىسىندە جوعارى وقۋ ورىندارىن تۇلەكتەردى جۇمىسپەن قامتۋعا مىندەتتەۋ تۋرالى تاپسىرما بەردى, دەپ حابارلايدى Egemen.kz.
«جوعارى وقۋ ورىندارىنىڭ جانىنان تۇلەكتەردى جۇمىسقا ورنالاستىرۋمەن اينالىساتىن مانساپ ورتالىقتارىن اشۋدى تاپسىرامىن. ءبىزدىڭ ماقساتىمىز – كەم دەگەندە تۇلەكتەردىڭ 70 پايىزىن جۇمىسقا تۇرعىزۋ», دەدى ۆيتسە-پرەمەر.
سونداي-اق ول «باقىتتى وتباسى» جوباسىن بۇكىل وڭىرلەرگە تاراتۋدى تاپسىردى.
«باقىتتى وتباسى» جوباسىن كوپبالالى جانە مۇمكىندىگى شەكتەۋلى بالا باعىپ وتىرعان انالاردى قولداۋ جانە جەتەكتەۋ ورتالىعى رەتىندە دامىتۋدى تاپسىرامىن. مۇنداي جوبالار قازىر نۇر-سۇلتان قالاسىندا, پاۆلودار, قاراعاندى وبلىستارىندا ىسكە اسىرىلىپ جاتىر. سونىڭ باسىن بىرىكتىرىپ, مۇقيات قاراستىرۋ كەرەك. ورتاشا ەسەپ جاساپ كوردىك. بۇل بىزگە جىل سايىن بۇكىل وڭىرلەردە 20 مىڭ كوپبالالى انانى جۇمىسقا ورنالاستىرۋعا مۇمكىندىك بەرەدى», دەدى ەرالى توعجانوۆ.