مينيستر زەينەتاقى جۇيەسىندە وزگەرىستەر بولاتىنىن ايتتى

سەرىك شاپكەنوۆ ءوز سوزىندە ازاماتتاردى زەينەتاقىمەن قامتاماسىز ەتۋ بولاشاق زەينەتكەرلەردىڭ جاعدايىنىڭ ناشارلاۋىنا جول بەرمەۋ ءۇشىن باتىل شارالار قابىلداۋدى تالاپ ەتەتىنىن اتاپ ءوتتى.

مينيستر بۇگىنگى تاڭدا ەلىمىزدە 2,2 ملن زەينەتكەر بار ەكەنىن ەسكە سالدى.

2021 جىلى قازاقستاندىقتار زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋ جانە ەمدەۋ ءۇشىن پايدالانۋ قۇقىعىنا يە بولدى. 2022 جىلعى 18 اقپانداعى جاعداي بويىنشا 2,79 ترلن تەڭگەگە جۋىق سوماعا بارلىعى 1 ملن-نان استام ءوتىنىش ماقۇلداندى.

سونىمەن قاتار, مينيستر اتاپ وتكەندەي, جوعالعان تابىستى زەينەتاقىمەن الماستىرۋ كوەففيتسيەنتى ىنتىماقتى زەينەتاقىدان جيناقتاۋشى زەينەتاقىعا كوشۋدى ەسكەرە وتىرىپ, جىل سايىن تومەندەيدى.

«بجزق-نىڭ ەسەپتەرىنە سايكەس, 2028 جىلى زەينەتاقى ورتاشا ايلىق جالاقىنىڭ شامامەن 47,4%-ىن عانا الماستىراتىن بولادى. 2040 جىلى - 39,2%, ال 2060 جىلى - بارلىعى 29,5%. سوندىقتان زەينەتاقى جۇيەسىنىڭ تيىمدىلىگىن قامتاماسىز ەتۋ ءۇشىن قازىرگى ۋاقىتتا زەينەتاقى جۇيەسىن ودان ءارى جاڭعىرتۋدىڭ قولدانىستاعى تۇجىرىمداماسىنا وزگەرىستەر مەن تولىقتىرۋلار ەنگىزۋ بويىنشا جۇمىستار جۇرگىزىلۋدە», دەدى ەڭبەك مينيسترلىگىنىڭ باسشىسى سەرىك شاپكەنوۆ.