وتكەن تاۋلىكتە ۋكراينانىڭ حاركوۆ قالاسىندا رەسەي قارۋلى كۇشتەرىنىڭ اتقىلاۋىنان 21 بەيبىت تۇرعىن قازا تاۋىپ, 112 ادام جاراقات الدى. بۇل تۋرالى Telegram-ارناسىندا حاركوۆ مەرى ولەگ سينەگۋبوۆ حابارلادى, دەپ جازادى Egemen.kz.
ونىڭ ايتۋىنشا, سوڭعى تاۋلىكتە قالانى ارتيللەريالىق اتقىلاۋ قارقىندى جۇرگىزىلگەن.
ناۋرىزدىڭ 2-ءسى كۇنى تاڭەرتەڭ رەسەي اسكەرى حاركوۆ قالاسىنداعى پوليتسيا ءبولىمى مەن ۋنيۆەرسيتەت عيماراتتارىنا اۋەدەن شابۋىل جاسادى.
رف قارۋلى كۇشتەرىنىڭ مەحانيكالاندىرىلعان بولىمشەلەرى بۇزىپ وتۋگە تىرىسقان سولتۇستىك-شىعىس جانە سولتۇستىك كۆارتالدارعا سوققى بەرىلدى. بارلىق شابۋىلدارعا تويتارىس بەرىلىپ, 40-تان استام اسكەري تەحنيكا قولعا ءتۇستى.
ولەگ سينەگۋبوۆ رەسەيلىك سۋ-25 ۇشاقتارىنىڭ حاركوۆ وبلىسىنىڭ چۋگۋەۆسك اۋدانىنداعى اەرودرومعا دا شابۋىل جاساعانىن ايتتى. سونداي-اق ۋكراينا اسكەرى رەسەي اەروعارىش كۇشتەرىنىڭ ءبىر ۇشاعىن اتىپ تۇسىرگەن.