لوندوندىق «چەلسي» فۋتبول كلۋبىنا يەلىك ەتەتىن رەسەيلىك ميللياردەر رومان ابراموۆيچ ۇلىبريتانيا ۇكىمەتىنىڭ ىقتيمال سانكتسيالارىنا بايلانىستى لوندونداعى جىلجىمايتىن م ۇلىك ساتپاق بولعان, دەپ حابارلايدى Egemen.kz.
«ول سانكتسيالاردان قورقادى, سوندىقتان ەرتەڭ ءۇيىن جانە ءبىر پاتەرىن ساتپاقشى», دەدى Bloomberg باسىلىمى ۇلىبريتانيا پارلامەنتىنىڭ مۇشەسى كريس برايانتتىڭ سوزىنە سىلتەمە جاساپ.
دەرەكتەرگە سەنسەك, ابراموۆيچ كەنسينگتون پالاس گاردەنس كوشەسىندەگى بەس بولمەلى ءۇيدى (150 ميلليون ەۋرو), چەلسي جاعالاۋىنداعى ءۇش قاباتتى پەنتحاۋستى (2018 جىلى 22 ميلليون ەۋروعا ساتىپ العان) ساۋداعا سالۋعا بەكىنىپ وتىرعان كورىنەدى.
ەستەرىڭىزگە سالا كەتەيىك, جۇزدەن استام رەسەيلىك جەكە جانە زاڭدى تۇلعالار ۇلىبريتانيا سالعان سانكتسيالاردان سىرت اينالىپ كەتە المادى. ايتكەنمەن رومان ابراموۆيچ ازىرگە بۇل تىزىمدە جوق. الايدا, باسىلىمنىڭ حابارلاۋىنشا, ابراموۆيچ ساياساتكەرلەر تاراپىنان كوبىرەك قىسىمعا ۇشىراي باستاعان سەكىلدى.