قازاقستان قۇرىلىسشىلارى قاۋىمداستىعى پرەزيدەنتىنىڭ ورىنباسارى ۆيكتوريا تەن جىلجىمايتىن م ۇلىك پەن قۇرىلىس ماتەريالدارىنىڭ باعاسىنا قاتىستى پىكىر ءبىلدىردى, دەپ جازادى Egemen.kz.
«جاقىن ارادا سالىنىپ جاتقان جىلجىمايتىن م ۇلىك باعاسىنا اسەر ەتەتىن نەگىزگى فاكتور بار. تۇراقسىز باعامعا بايلانىستى قۇرىلىس ماتەريالدارىنىڭ باعالارى شارىقتاپ كەتۋى مۇمكىن. تيىسىنشە, وسى باعالاردىڭ وزگەرۋىن ەسكەرەتىن قۇرىلىس سالۋشىلار سالىنىپ جاتقان وبەكتىلەردىڭ دە, الدا جوسپارلانعان وبەكتىلەردىڭ دە باعالارىن تۇزەتۋگە ءماجبۇر بولادى», دەدى ۆيكتوريا تەن.
ونىڭ ايتۋىنشا, ماتەريالدار باعاسىنىڭ وسۋىنەن كەيىن جۇمىسشىلاردىڭ جالاقىسىن ارتتىرۋ ماسەلەسى دە ۇزاققا سوزىلمايدى.
«نەسيەلىك ستاۆكالاردىڭ ءوسۋى قۇرىلىستىڭ وزىندىك قۇنىنا دا اسەر ەتەدى», دەپ قوستى ول.
دەسە دە, بۇگىنگى كۇنى ساتۋعا مالىمدەلگەن جوبالاردى توقتاتا تۇرۋ جاعدايلارى بايقالمايدى.
«الايدا, جاقىن ارادا كۇتىلەتىن تومەن سۇرانىسقا بايلانىستى بىرقاتار قۇرىلىس سالۋشىلار ىسكە اسىرۋعا جوسپارلانعان جوبالاردى ساتۋدى كەيىنگە قالدىرعانى بەلگىلى بولدى. بۇدان باسقا, قۇرىلىس سالۋشىلاردىڭ وزدەرىنە بۇگىنگى كۇنى جوبالاردىڭ وزىندىك قۇنىن ەسەپتەۋدى جۇرگىزۋ جانە تيىسىنشە ىسكە اسىرۋ جوسپارلانعان جوبالارعا باعالاردى بەلگىلەۋ ايتارلىقتاي قيىن», دەدى ۆيكتوريا تەن.