قارجى مونيتورينگى اگەنتتىگى ۇقكد جانە داپك قىزمەتكەرلەرىمەن بىرلەسىپ تۇركىستان وبلىسىندا زاڭسىز ماينينگتىك قىزمەت فاكتىسىن انىقتادى, دەپ حابارلايدى Egemen.kz قر قما Telegram-ارناسىنا سىلتەمە جاساپ.
«شاردارا سۋ ەلەكتر ستانتسياسىنىڭ جانىندا ورنالاسقان اۋماقتا قر زاڭناماسىن بۇزىپ, اسا ءىرى مولشەردە تابىس تاباتىن ماينينگتىك فەرما جۇمىس ىستەدى. 2 899 بىرلىك كولەمىندە جابدىق تابىلدى. جابدىقتىڭ بولجامدى قۇنى 1 ملرد تەڭگەدەن اسادى. كريميناليست قورىتىندىسىنا سايكەس, 2021 جىلدىڭ ناۋرىز-جەلتوقسان ايلارى ارالىعىندا الىنعان تابىس سوماسى 450 ملن تەڭگەدەن استى», دەلىنگەن حابارلامادا.