قىتاي شەكاراسىندا «نۇر جولى» كەدەن بەكەتىنىڭ بىرقاتار لاۋازىمدى تۇلعالارىنىڭ قىلمىستىق ءىس-ارەكەتى اشكەرەلەندى, دەپ حابارلايدى Egemen.kz.
28 اقپاندا الماتى وبلىسى بويىنشا سىبايلاس جەمقورلىققا قارسى قىزمەت باس پروكۋراتۋرانىڭ ىشكى تەرگەۋ دەپارتامەنتىمەن بىرلەسىپ «نۇر جولى» كەدەن بەكەتىندە قىزمەت ەتكەن بىرقاتار لاۋازىمدى تۇلعالاردىڭ قىلمىستىق ارەكەتىن انىقتادى.
«جۇرگىزىلگەن جەدەل بىرىكتىرۋدىڭ ناتيجەسىندە قىلمىستىق ارەكەتتى يميتاتسيالاعان قاداعالاۋ ورگانىنىڭ قىزمەتكەرىنە جۇرگىزىلگەن تەكسەرۋ بويىنشا ماسەلەلەردى وڭ شەشكەنى ءۇشىن 50 مىڭ اقش دوللارى مولشەرىندە پارا بەرۋ فاكتىسى قۇجاتتالعان», دەلىنگەن سىبايلاس جەمقورلىققا قارسى ءىس-قيمىل اگەنتتىگىنىڭ حابارلاماسىندا.
اتالعان فاكتى بويىنشا «نۇر جولى» كەدەن بەكەتىنىڭ باسشىسى مەن ونىڭ ورىنباسارى ۇستالدى.
«سونىمەن قاتار, تەكسەرۋشىلەرگە 30 مىڭ اقش دوللارى كولەمىندە پارا بەرىپ, ءىرى كولەمدە تاۋار كونترابانداسىن جاسىرعان ەدەن بەكەتىنىڭ تاعى ءبىر وكىلى ۇستالدى», دەپ قوستى سىبايلاس جەمقورلىققا قارسى ءىس-قيمىل اگەنتتىگى.
قازىرگى ۋاقىتتا سوتقا دەيىنگى تەرگەۋ جۇرگىزىلۋدە.
وزگە اقپارات تەرگەۋ مۇددەسىندە جاريا ەتۋگە جاتپايدى.