قر پرەمەر-ءمينيسترى ءاليحان سمايىلوۆ ۇكىمەت وتىرىسىندا مەملەكەتتەن قولداۋ العان كاسىپورىندار قىزمەتكەرلەرىنىڭ جالاقىسىن وسىرۋگە مىندەتتەمە الاتىنىن ءمالىم ەتتى, دەپ حابارلايدى Egemen.kz.
«وتاندىق كاسىپكەرلىكتى دامىتۋ ءۇشىن ينۆەستيتسيالىق جوبالاردى ىسكە اسىرۋ ارقىلى يمپورتتىق تاۋارلاردى ورنالاستىرۋدىڭ ماڭىزى ەرەكشە. بۇل ورايدا مەملەكەتتەن قولداۋ العان كاسىپورىندار قىزمەتكەرلەرىنىڭ جالاقىسىن وسىرۋگە مىندەتتەمە الادى. ارگوونەركاسىپ كەشەنىندە مەملەكەتتىك قولداۋدىڭ تيىمدىلىگىن ارتتىرۋ ءۇشىن سۋبسيديالاۋ جۇيەسىنىڭ جاڭا تاسىلدەرى ازىرلەنىپ جاتىر. قوسىمشا اۋىل شارۋاشىلىعى جەرلەرىن اينالىمعا ەنگىزۋ ارقىلى اۋىل شارۋاشىلىعى كووپەراتسيالارى مەن وتباسىلىق شارۋاشىلىقتاردى دامىتۋعا جاعداي جاسالادى. ءبىرىنشى كەزەكتە اۋىل شارۋاشىلىعى ونىمدەرىن وڭدەۋگە باعىتتالعان جوبالار باسىم تۇردە قولداۋعا يە بولادى», دەدى پرەمەر-مينيستر.
سونداي-اق ۇكىمەت باسشىسى اتالعان شارالاردىڭ ءبارى بيىل قابىلداناتىنىن ەسكە سالدى.
«ولاردى ىسكە اسىرۋ ءۇشىن ۇكىمەت بار كۇش-جىگەرىن جۇمسايدى دەپ سەندىرەمىن», دەدى ءاليحان سمايىلوۆ.