قازاقستاننىڭ ۋكراينا استاناسىنداعى ەلشىلىگى 34 ازاماتتى پولشا شەكاراسىنا الىپ شىقتى. ولار سول ەلدەن قازاقستانعا ارنايى رەيسپەن قايتادى, دەپ حابارلايدى Egemen.kz.
بۇل تۋرالى قر سىرتقى ىستەر مينيسترلىگىنىڭ ءباسپاسوز قىزمەتى ءمالىم ەتتى.
ەسكە سالا كەتەيىك, بۇگىن تاڭەرتەڭ ۋكرايناداعى قازاقستان ازاماتتارىن اكەلۋگە 179 ورىندىق ۇشاق پولشاعا اتتانعان بولاتىن.
قر ءسىم ءباسپاسوز قىزمەتىنىڭ باسشىسى ەرلان جەتىباەۆتىڭ حابارلاۋىنشا, تۇسكە دەيىن ۋكراينا-پولشا شەكاراسىنان 241 ادام وتكەن.
ولاردىڭ العاشقى لەگى بۇگىن تۇندە الماتىعا جەتكىزىلەدى.