قازاقستاننىڭ مادەنيەت جانە سپورت ءمينيسترى داۋرەن اباەۆ ەلىمىزدىڭ تۋريستىك ءيميدجى قالاي قالپىنا كەلتىرىلەتىنىن ايتتى, دەپ حابارلايدى Egemen.kz.
بۇل تۋرالى ول ماجىلىستەگى ۇكىمەت ساعاتىندا ايتتى.
«بيىل بىزگە ەلىمىزدىڭ تۋريستىك ءيميدجىن حالىقارالىق دەڭگەيدە قالپىنا كەلتىرۋ بويىنشا جۇمىس جۇرگىزۋ قاجەت. ەكى ماركەتينگتىك ناۋقان وتكىزۋ جوسپارلانۋدا. ءبىرىنشى جوبا تمد ەلدەرىنىڭ نارىعىنا, ال ەكىنشى جوبا الىس شەتەلدەرگە باعىتتالعان», دەدى داۋرەن اباەۆ.
ول ەكى جىلدىق ۇزىلىستەن كەيىن ءباا, پولشا, كاتار, گەرمانياداعى حالىقارالىق كورمەلەر مەن رواد-شوۋ ۇيىمدارىنا قاتىسۋ قايتا جاڭعىرتىلاتىنىن ايتتى.
مينيستر 2022-2025 جىلدارعا ارنالعان 5 مىڭ شەتەلدىك دەلەگاتتىڭ قاتىسۋىمەن 12 MICE ءىس-شارا وتكىزىلگەنى راستالعانىن, سونداي-اق قازاقستانعا حالىقارالىق ءىس-شارالاردى تارتۋ بويىنشا جۇمىس جۇرگىزىلىپ جاتقانىن اتاپ ءوتتى.
ءاربىر ەكىنشى ءىس-شارا تۋريستىك الەۋەتتى دامىتۋعا ارنالادى.
«سالانى تسيفرلاندىرۋ جانە ماركەتينگ جونىندەگى جۇمىس جالعاساتىن بولادى. شەتەلدىك تۋريستەردى ورنالاستىرۋ ورىندارىندا ەسەپكە الۋ بويىنشا ۇلتتىق كومپانيا ازىرلەگەن e-Qonaq ءونىمى سەرپىندى تسيفرلىق شەشىمگە اينالدى. شىن مانىندە, ول كوشى-قون ورگاندارى ءۇشىن وزەكتى اقپاراتتى ۇسىنادى جانە ناقتى ۋاقىت رەجيمىندە تۋريستەر ءۇشىن ستاتيستيكالىق كەسۋدى ۇسىنادى», دەپ قوستى مينيستر.