ەۋروپا وداعى رەسەيلىك ۇشاقتار ءۇشىن اۋە كەڭىستىگىن تولىعىمەن جاۋىپ تاستادى. بۇل شەشىم 27 اقپان, جەكسەنبىدە ەو ءسىم باسشىلارى قابىلدادى, دەپ حابارلايدى Egemen.kz.
بۇعان دەيىن بريۋسسەل تاراپىنان وسىنداي جوسپارلار تۋرالى ەۋروپالىق كوميسسيانىڭ باسشىسى ۋرسۋلا فون دەر ليايەن دە حابارلاعان بولاتىن.
ء«بىز رەسەيلىك ۇشاقتار ءۇشىن ەو اۋە كەڭىستىگىن جابامىز. رەسەيدە تىركەلگەن نەمەسە رەسەيدىڭ باقىلاۋىنداعى بارلىق ۇشاقتاردىڭ ۇشۋىنا تىيىم سالامىز. بۇل ۇشاقتار ەو اۋماعى ارقىلى ۇشا المايدى», دەدى ەۋروكوميسسيا باسشىسى ۋرسۋلا فون دەر ليايەن.
اتالعان شەشىم تەك اۋە كەڭىستىگىندەگى جولاۋشىلارعا ەمەس, سونىمەن قاتار, بيزنەس-دجەتتەرگە دە قاتىستى. شەكتەۋ ەۋرو وداقتىڭ بارلىق ەلدەرىندە قولدانىلاتىن بولادى.
ايانا توعانبەك