جاستار – بولاشاقتا ماڭىزدى الەۋەتتى سالماققا يە جانە حالىقتىڭ قوعامدىق بەلسەندى توپتارىنىڭ ءبىرى. حالىقتىڭ وسىنداي توپتارىن قولداۋ ءۇشىن ەلىمىزدىڭ كەيبىر قالالارىندا جاستارعا قىزمەت كورسەتۋ ورتالىعى جۇمىس ىستەيدى.
اقمولا وبلىسىنىڭ جاستار-رەسۋرستىق ورتالىعى جانىندا جاستارعا قىزمەت كورسەتۋ ورتالىعىنىڭ (جقو) اشىلۋ ءراسىمى ءوتتى. ول جەردە جاستاردى جۇمىسقا ورنالاستىرۋ جانە جۇمىسپەن قامتۋدىڭ مەملەكەتتىك باعدارلامالارى, تۇرعىن ءۇي ساتىپ الۋ, زاڭ, سونداي-اق ۆولونتەرلىك ماسەلەلەرى بويىنشا تەگىن كەڭەس الا الادى. ورتالىق جۇمىسىنىڭ نەگىزگى ماقساتى – جاستارعا جانە جاستار ۇيىمدارىنىڭ قىزمەتىنە اقپاراتتىق-كونسۋلتاتسيالىق كومەك كورسەتۋ.
وبلىستىق جاستار-رەسۋرستىق ورتالىعى باسشىسى ءمانسيا ەسەكەەۆا ءوز سوزىندە قالادا جاستاردى قولداۋ بويىنشا قىزمەت كورسەتۋ ورتالىعى جۇمىس ىستەۋ كەرەكتىگىن اتاپ ءوتتى. وسى سەبەپتى جاستارعا ارنالعان وسىنداي ورتالىق العاش رەت اشىلىپ وتىر. وندا بىرنەشە قىزمەت تۇرلەرى كورسەتىلەتىن بولادى. مىسالى, بۇگىندە «وتباسى بانكى» قولجەتىمدى تۇرعىن ءۇي ساتىپ الۋ ماسەلەلەرى بويىنشا كونسۋلتاتسيالىق كومەك كورسەتەدى, ال جۇمىسپەن قامتۋ ورتالىعىنىڭ قىزمەتكەرلەرى جاستاردى قولدانىستاعى جۇمىسقا ورنالاستىرۋ جانە جۇمىسپەن قامتۋ مەملەكەتتىك باعدارلامالارى بويىنشا حاباردار ەتەدى.
اتالعان ورتالىقتىڭ قىزمەتى جونىندە اقمولا وبلىسى ىشكى ساياسات باسقارماسى باسشىسىنىڭ ورىنباسارى سابىرحان كەنجەباەۆ بايانداپ, قالا ستۋدەنتتەرىنە ارنالعان كەڭەس بەرۋ الاڭى ءدال سول ساتتە ىسكە قوسىلدى. ء«بىز, جوعارى قازاق گۋمانيتارلىق-تەحنيكالىق كوللەدجىنىڭ ستۋدەنتتەرى, جاستارعا قىزمەت كورسەتۋ ورتالىعىنىڭ اشىلۋىنا كەلدىك. بولاشاقتا كومەككە قايدا جۇگىنۋگە بولاتىنىن بىلەمىز. قالامىزدا وسىنداي ورتالىقتىڭ اشىلۋى قازىرگى جاستار ءۇشىن تاماشا جاڭالىق دەپ ەسەپتەيمىن. سەبەبى, ولاردىڭ ارقايسىسى جۇمىسقا ورنالاسۋ, پسيحولوگيالىق, سونداي-اق باسقا دا ماسەلە بويىنشا ءوتىنىش بىلدىرە الادى», دەدى 3-كۋرس ستۋدەنتى گۇلزادا قوجامۇراتوۆا.
ايتا كەتۋ كەرەك, كەز كەلگەن ادام جۇمىس كۇندەرى اتالعان جاستارعا قىزمەت كورسەتۋ ورتالىعىنا جۇگىنە الادى.