جاپونيا ۇكىمەتى رەسەيدىڭ ۋكرايناداعى ارنايى اسكەري وپەراتسياسىن قولداۋىنا بايلانىستى بەلورۋسسياعا قارسى ەكونوميكالىق سانكتسيالار ەنگىزۋدى كەلىسۋگە كىرىستى, دەپ حابارلايدى Egemen.kz.
جاقىندا جاپونيا ۇكىمەتىنىڭ باس حاتشىسى حيروكاز ماتسۋنو جۋرناليستەردىڭ ۋكراينانىڭ شىعىسىنداعى رەسەي فەدەراتسياسىنىڭ ارەكەتتەرىنە بايلانىستى بەلورۋسسياعا قارسى ىقتيمال سانكتسيالار تۋرالى سۇراعىنا جاۋاپ رەتىندە توكيو حالىقارالىق قاۋىمداستىقپەن ىنتىماقتاستىق كەزىندە شارالار قابىلدايتىنىن اتاپ ءوتتى.
25 جەلتوقساندا ەو بەلورۋسسياعا قاتىستى جەكە سانكتسيالاردى ءبىر جىلعا ۇزارتتى. ءبىر كۇن بۇرىن اقش بەلورۋسسيانىڭ بىرقاتار جەكە جانە زاڭدى تۇلعالارىنا ۋكرايناداعى رەسەي اسكەري وپەراتسياسىن قولداعانى ءۇشىن سانكتسيالار ەنگىزدى.
بۇعان دەيىن بەلورۋسسيا پرەزيدەنتى الەكساندر لۋكاشەنكو قاجەت بولعان جاعدايدا ۋكرايناعا اسكەر ەنگىزۋگە ۋادە بەرگەن بولاتىن.