قر يندۋستريا جانە ينفراقۇرىلىمدىق دامۋ مينيسترلىگى تسيفرلىق ماينينگتى جۇزەگە اسىرۋ بويىنشا قىزمەت تۋرالى اقپاراتتاندىرۋ ەرەجەسىنە وزگەرىستەر مەن تولىقتىرۋلار دايىندادى, دەپ حابارلايدى Egemen.kz.
ماسەلەن, تسيفرلىق ماينينگ بويىنشا قىزمەتتى جۇزەگە اسىرۋدى جوسپارلايتىن زاڭدى تۇلعالار ۋاكىلەتتى ورگانداردى ەلەكتروندىق ءوتىنىش تۇرىندە حاباردار ەتۋى ءتيىس.
ەسەپتەۋ وپەراتسيالارىن ورىنداۋ جانە دەرەكتەردى وڭدەۋ ءۇشىن كەشەندى ەسەپتەۋ ينفراقۇرىلىمىن قامتاماسىز ەتۋ بويىنشا قىزمەتتەر كورسەتۋدى جوسپارلايتىن زاڭدى تۇلعالار تسيفرلىق ماينينگتى جۇزەگە اسىراتىن تۇلعالارعا تسيفرلىق ماينينگتى جۇزەگە اسىراتىن تۇلعالارمەن شارت جاساسقان ساتتەن باستاپ كۇنتىزبەلىك 30 كۇن ىشىندە ەلەكتروندىق ءوتىنىش تۇرىندە ۋاكىلەتتى ورگاندى حاباردار ەتۋى ءتيىس.
بۇدان باسقا, بۇل سۋبەكتىلەر ۋاكىلەتتى ورگانعا ءوز قىزمەتى تۋرالى اقپاراتتى توقسان سايىن ەلەكتروندىق فورماتتا بەرەتىن بولادى.
قۇجات جوباسى 2022 جىلعى 14 ناۋرىزعا دەيىن «اشىق نقا» پورتالىندا جاريا تالقىلاۋ ءۇشىن ورنالاستىرىلعان.