بۇگىن الاش ارداقتىسى احمەت بايتۇرسىن ۇلىنىڭ 150 جىلدىق مەرەيتويىن مەرەكەلەۋدىڭ سالتاناتتى اشىلۋ ءراسىمى باستالدى. اشىلۋ سالتاناتىنىڭ العاشقى ءىس-شاراسىندا جازۋشىلار اللەياسىنداعى «الاش قايراتكەرلەرىنە» ارنالعان ەسكەرتكىشكە گۇل شوقتارى قويىلدى, دەپ حابارلايدى Egemen.kz.
«الاش قايراتكەرلەرىنە» ارنالعان ەسكەرتكىشكە قر مەملەكەتتىك حاتشىسى ەرلان قارين, نۇر-سۇلتان قالاسىنىڭ اكىمى التاي كولگىنوۆ, قازاقتىڭ زيالى قاۋىم وكىلدەرى, اتاپ ايتقاندا بەلگىلى اقىن, قازاقستان جازۋشىلار وداعىنىڭ توراعاسى ۇلىقبەك ەسداۋلەت, ل. ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ, قر ۇعا اكادەميگى ديحان قامزابەك ۇلى گۇل شوقتارىن قويدى.