قالاۋىن تاپسا, قۇرتتى دا وسىرۋگە بولادى. قونىسباي تاجىباەۆتىڭ بۇل ءىستى قولعا العانىنا ءتورت جىلدان اسقان. اسىرەسە, بالىقشىلار ءۇشىن تاپتىرمايتىن جاۋىنقۇرتتى ءوسىرۋدىڭ قىر-سىرىنا ينتەرنەت ارقىلى قانىققان.
قازىر ول 700 مىڭعا جۋىق قۇرتتى ءوسىرىپ وتىر. قۇرتتاردى رەسەيدەن الدىرعان.
– بۇل – وتە سەزىمتال جاندىك. باپتاپ جۇرگەن يەسىن تانيدى. بوتەن ادام كەلسە, مازاسىزدانعانىن بايقايمىن. قۇرتتاردى ءوسىرۋ ءۇشىن ەرىنبەۋ كەرەك, – دەيدى قونىسباي تاجىباەۆ.
ونىڭ ايتۋىنشا, جاۋىنقۇرت كۇبىردە وسەدى. سول سەبەپتەن, مالدىڭ تەزەگىن تازا سۋمەن شايىپ, اممياك قىشقىلىنان تازارتادى. ءسويتىپ, ونى بيوگۋمۋسقا اينالدىرىپ, قۇرتتاردى جىبەرەدى.
– جاۋىنقۇرت ىلعالدى جاقسى كورەدى. وعان جەمتىك رەتىندە قاعاز قالدىقتارى مەن قۋراعان جاپىراقتى سالامىن. ارنايى ورىننىڭ تەمپەراتۋراسى +15-تەن +25 گرادۋس ارالىعىندا بولۋى كەرەك. ال قىستا 70 سم تەرەڭدىككە وسەدى, – دەيدى قۇرت ءوسىرۋشى جىگىت.
ەندى قونىسباي تاجىباەۆتىڭ قۇرت ءوسىرۋ ءىسىن كەڭەيتپەك ويى بار. ويتكەنى وعان بالىقشىلاردان سۇرانىس ارتىپ وتىر. قۇرت وسىرۋگە قاجەتتى كۇبىردىڭ ءبىر قاپشىعىن 500 تەڭگەدەن ساتىپ الادى.
اتىراۋ وبلىسى