ۋكراينا ازاماتتىق قورعاۋ تەتىگى اياسىندا ەۋروپالىق وداقتان شۇعىل كومەك سۇرادى. بۇل تۋرالى داعدارىستى باسقارۋ جونىندەگى ەۋروپالىق كوميسسار يانەز لەنارچيچ مالىمدەدى, دەپ حابارلايدى Egemen.kz.
«ۋكراينا ەو-نىڭ ازاماتتىق قورعاۋ تەتىگى ارقىلى جەدەل مەديتسينالىق كومەككە جۇگىندى, مەن مۇشە مەملەكەتتەردى بۇعان دەرەۋ جاۋاپ بەرۋگە شاقىرامىن», دەپ جازدى يانەز لەنارچيچ Twitter-دە.
24 اقپاندا رەسەي پرەزيدەنتى ۆلاديمير پۋتين ءوزىنىڭ جولداۋىندا دونباستا ارنايى اسكەري وپەراتسيا وتكىزىلەتىنىن جاريالادى. ونىڭ ايتۋىنشا, وپەراتسيانىڭ ماقساتى - سەگىز جىل بويى گەنوتسيدكە ۇشىراعان دنر مەن لنر تۇرعىندارىن قورعاۋ.