وليمپيادا ويىندارىنا ۇلتتىق كوماندالاردىڭ دايىندىعىنا 789 ملن تەڭگە جۇمسالعان. بۇل تۋرالى بەيجىڭدەگى وليمپيادا ويىندارىنىڭ قورىتىندىسى بويىنشا ءباسپاسوز ءماسليحاتىندا ۇلتتىق وليمپيادا كوميتەتىنىڭ باس حاتشىسى اندرەي كريۋكوۆ ايتتى, دەپ حابارلايدى Egemen.kz.
«وليمپيادا ويىندارىنا تىكەلەي قاتىسۋ تۇرعىسىندا 248 ملن تەڭگە جۇمسالدى. سونىڭ 107 ملن تەڭگەسى «ەير استانا» كومپانياسىنا چارتەرلىك رەيستەردى ۇسىنعانى ءۇشىن تولەندى», دەدى ا. كريۋكوۆ ورتالىق كوممۋنيكاتسيالار قىزمەتىندە.
ونىڭ ايتۋىنشا, وليمپيادا ويىندارىنا ۇلتتىق كوماندالاردىڭ دايىندىعىنا 789 ملن تەڭگە باعىتتالدى. وسى ورايدا وقۋ-جاتتىعۋ جيىنى دايىندىعى مەن جارىستارىنا 234 سپورتشى مەن باپكەر قاتىستى. ءبىر قاتىسۋشىعا جۇمسالعان قاراجاتتىڭ ورتاشا كولەمى 15 ملن تەڭگە بولدى.