پرەمەر-ءمينيستردىڭ ءبىرىنشى ورىنباسارى رومان سكليار جەڭىلدەتىلگەن اۆتوكرەديت باعدارلاماسىنا بولىنەتىن قارجىنىڭ كولەمىن جانە شارتتارىن جاريالادى, دەپ حابارلايدى Egemen.kz.
«جاسىل دامۋ» اق-سىنىڭ (بۇرىنعى دامۋ «روپ وپەراتورى» جشس) ەسەپشوتتارىندا 200 ميلليرد تەڭگەدەن استام قارجى قالدى.
«وسى قاراجات حالىق يگىلىگى ءۇشىن جۇمسالۋى قاجەت. وسى اقشادان 100 ميلليارد تەڭگەنى وتاندىق كولىكتى ساتىپ الۋعا ارنالعان جەڭىلدەتىلگەن اۆتوكرەديت باعدارلاماسىنا بولىنەدى», دەدى سكليار «حابار 24» ارناسىنا بەرگەن سۇحباتىندا.
ۆيتسە-پرەمەر باعدارلاما شارتتارىن دا ايتتى.
«اۆتوكرەديتتىڭ جىلدىق مولشەرلەمەسى 4 پروتسەنت بولادى. ال العاشقى جارنا بولمايدى. كرەديتتىڭ مەرزىمى 7 جىل. جەڭىلدەتىلگەن اۆتوكرەديت قىمبات ەمەس كولىكتەرگە بەرىلەدى. وسىلايشا, 71 مىڭ ادام جاڭا كولىكتى قولجەتىمدى باعامەن الا الادى», دەپ اتاپ كورسەتتى سكليار.
ايتا كەتەيىك, بۇعان دەيىنگى اۆتوكرەديت باعدارلاماسىنىڭ جىلدىق مولشەرلەمەسى 7 پايىز, ال مەرزىمى 7 جىل بولعان. بىراق العاشقى جارناسى رەتىندە 20 پايىزىن قۇيۋ مىندەتتى ەدى. سوسىن 15 ميلليونعا دەيىنگى كولىكتەردى راسىمدەۋگە مۇمكىندىك بەرىلگەن.