مەملەكەت باسشىسىنا الماتى قالاسىنىڭ دامۋى مەن بيىلعى قاڭتار ايىنداعى قىسقامەرزىمدى ەكونوميكالىق ينديكاتوردىڭ وزگەرگەنى تۋرالى ەسەپ بەرىلدى, دەپ حابارلايدى Egemen.kz.
پرەزيدەنتكە قالانى قالپىنا كەلتىرۋ جۇمىستارى مەن زارداپ شەككەن كاسىپكەرلەردىڭ شىعىنىن وتەۋ شارالارى تۋرالى باياندالدى.
ەربولات دوساەۆتىڭ ايتۋىنشا, مەملەكەت باسشىسىنىڭ تاپسىرماسىن ىسكە اسىرۋ اياسىندا بيزنەسكە جەدەل كومەك كورسەتۋ ءۇشىن جەڭىلدەتىلگەن تەتىك بويىنشا تولەم سوماسى 10 ميلليون تەڭگەگە دەيىن ۇلعايتىلعان. ال وتىنىمدەردى قاراۋ مەرزىمى ەكى ەسەگە – 1 ايدان 2 اپتاعا دەيىن قىسقارتىلعان.
قالا اكىمى قازىرگى ۋاقىتتا تىركەلگەن 1413 كاسىپكەردىڭ 755-ءى وتەماقى العانىن, 10-شى ناۋرىزعا دەيىن شاعىن جانە ورتا بيزنەس سۋبەكتىلەرى وتىنىمدەرىنىڭ 90 پايىزى ورىندالاتىنىن ايتتى.
قاسىم-جومارت توقاەۆقا الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ, حالىقتىڭ الەۋمەتتىك وسال توپتارىن قولداۋ تيىمدىلىگىن ارتتىرۋ شارالارى تۋرالى ايتىلدى. مەملەكەت باسشىسىنا قالالىق دەنساۋلىق ساقتاۋ جۇيەسىن جاڭعىرتۋ جانە مەكتەپتەردە ورىن تاپشىلىعىن ازايتۋ ماسەلەلەرى جونىندە مالىمەت بەرىلدى.
كەزدەسۋ قورىتىندىسى بويىنشا قاسىم-جومارت توقاەۆ قالانى قالپىنا كەلتىرۋ جانە بيزنەس سۋبەكتىلەرىنە كەلتىرىلگەن زالالدى وتەۋ جۇمىستارىن جانداندىرۋدى, ينجەنەرلىك جەلىلەردى جاڭارتۋ جونىندە ۇسىنىستار ازىرلەۋدى, ەسكى جانە اپاتتى جاعدايداعى تۇرعىن ۇيلەردى ازايتۋ ءۇشىن باسپانا قورىن قايتا جوندەۋگە ەرەكشە نازار اۋدارۋدى تاپسىردى.