ورتالىق كوممۋنيكاتسيالار قىزمەتى الاڭىندا «جاڭا قازاقستاندى قۇرۋ جاعدايىندا قوعامدىق كەلىسىم مەن قوعامدىق-ساياسي وزگەرىستەردىڭ ءتيىمدى فورماتىن قالىپتاستىرۋ» تاقىرىبىندا ساراپشىلار كەزدەسۋى ءوتتى.
«ازاماتتىق قوعام مەن بيلىك اراسىنداعى بايلانىستى قايتا قاراۋ جانە جاڭا قوعامدىق كەلىسىمشارت ماسەلەسى ءجيى تالقىلانىپ كەلەدى. «حالىق ۇنىنە قۇلاق اساتىن مەملەكەت» تۇجىرىمداماسىنا ساي قوعامدىق كەڭەستەر, ازاماتتىق ۇيىمدارمەن بايلانىس ورناتىلعان. دەگەنمەن بۇل جۇمىس ءالى دە ناتيجەلى ەمەس ەكەنىنە وتكەن ايداعى وقيعالار دالەل بولدى. سوندىقتان وسى سالانى ءارى قاراي دامىتۋ وزەكتى بولىپ تۇر. جيىننىڭ ماقساتى – ساراپشىلىق ۇسىنىستاردى جۇيەلەپ, ءبىر الاڭعا توپتاستىرۋ. قازىر مەملەكەت باسشىسىنا, ۇكىمەت ورگاندارىنا تۇرعىندار اتىنان ءتۇرلى ۇسىنىستار مەن حاتتار كەلىپ جاتىر. مينيسترلىكتەر بۇل ۇسىنىستاردى قاراپ, قوعامدىق دامۋ ينستيتۋتىنىڭ ماماندارىمەن بىرگە ولاردىڭ تيىمدىلەرىن ورتاعا سالادى», دەدى اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەت.
وتىرىسقا «تالاپ» قولدانبالى زەرتتەۋلەر ورتالىعىنىڭ ديرەكتورى ر.وشاقباەۆ, «رۋحاني جاڭعىرۋ» قوعامدىق زەرتتەۋلەر ورتالىعىنىڭ جەتەكشىسى ق.مايگەلدينوۆ, قازاقستان ازاماتتىق اليانسى زتب پرەزيدەنتى ب.نۇرعازيەۆا, ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى م.ءباشىموۆ, «ەكولوگيالىق ۇيىمدار قاۋىمداستىعى» ءتورايىمى, سىبايلاس جەمقورلىققا قارسى ستراتەگياسىنىڭ ىسكە اسىرىلۋىن سىرتقى تالداۋ مەن باعالاۋدىڭ ارنايى مونيتورينگتىك توبىنىڭ جەتەكشىسى ا.سولوۆەۆا, جاستار عىلىمي-زەرتتەۋ ورتالىعى ديرەكتورىنىڭ ورىنباسارى ە.پاۋلي جانە ۇكىمەتتىك ەمەس ۇيىمداردىڭ باسشىلارى, ساياساتتانۋشىلار مەن باسقا ساراپشىلار قاتىستى.