قازاقستان ۇلتتىق بانكى 33 ميلليون دوللارعا ۆاليۋتالىق ينتەرۆەنتسيا جاسادى. بۇل تۋرالى ۇلتتىق بانك توراعاسىنىڭ ورىنباسارى ءاليا مولدابەكوۆا ايتتى, دەپ حابارلايدى Egemen.kz ۇلتتىق بانكتىڭ ءباسپاسوز قىزمەتىنە سىلتەمە جاساپ.
مولدابەكوۆا قازىرگى جاعدايعا بايلانىستى ىشكى ۆاليۋتا نارىعىنداعى جاعدايدى تۇراقتى ساقتاۋعا ۇلتتىق بانك بۇگىنگى ساۋدا-ساتتىق اياسىندا ۆاليۋتالىق ينتەرۆەنتسيالار جۇرگىزىپ جاتقانىن ايتتى.
«قازىرگى ۋاقىتتا ولاردىڭ كولەمى 33 ميلليون دوللار, جالپى ساۋدا كولەمى 155 ميلليون دوللار, بۇل بارلىق ساۋدا-ساتتىقتىڭ شامامەن 20 پايىزى», دەدى ول.
توراعانىڭ ورىنباسارى ۇلتتىق بانك قارجى نارىعىنداعى جاعدايدى, ۋكرايناعا قاتىستى جاعدايدى مۇقيات قاداعالاپ وتىرعانىن اتاپ ءوتتى.
«نارىقتىڭ ودان ءارى سەرپىنى كوبىنە سانكتسيالاردىڭ سيپاتى مەن تەرەڭدىگىنە جانە ولاردىڭ رەسەي ەكونوميكاسىنا اسەرىنە بايلانىستى», دەپ قوستى ول.
ەسكە سالايىق, قازىر ەلوردانىڭ بىرقاتار اقشا ايىرباستاۋ ورىندارىندا دوللار 440 تەڭگەدەن, الماتىدا 441 تەڭگەدەن ساتىلىپ جاتىر.