اقتوبەدە جانارماي قۇيۋ بەكەتىندە جارىلىس بولدى

«2022 جىلعى 22 اقپاندا تاڭعى ساعات 04:11 مينۋتتا (نۇر-Cۇلتان قالاسى ۋاقىتى) كەزەكشى قىزمەت پۋلتىنە اقتوبە قالاسى, الماتى اۋدانى, سماعۇلوۆا №15 مەكەنجايى بويىنشا «التاير» جانارماي قۇيۋ ستانتسياسىنىڭ جانۋى تۋرالى حابارلاما كەلىپ ءتۇستى. شاقىرۋ ورنىنا دەرەۋ اقتوبە قالاسىنىڭ ءورت سوندىرۋشىلەرى مەن قۇتقارۋشىلارى جىبەرىلدى», دەلىنگەن حابارلامادا.

وقيعا ورنىنا ءورت ءسوندىرۋ قىزمەتىنىڭ قىزمەتكەرلەرى كەلگەندە «التاير» تەحنيكالىق قىزمەت كورسەتۋ ستانتسياسىندا گاز-اۋا قوسپاسىنىڭ جارىلعانى انىقتالدى, ناتيجەسىندە 600 شارشى مەتر الاڭدا عيماراتتىڭ قۇلاۋى مەن تقكس ىشىندە جانە جانىندا تۇرعان 11 اۆتوموبيل زاقىمداندى. الدىن الا اقپارات بويىنشا جارىلىس ءاۆتوموبيلدىڭ گاز-باللون جابدىعىنان شىققان.

تج ورنىندا اقتوبە وبلىسى تجد 136 ادام جانە 16 بىرلىك تەحنيكا كۇشتەرى مەن قۇرالدارى, سونداي-اق جاو 2 بىرلىك تەحنيكاسى جۇمىس ىستەپ جاتىر. وقيعا ورىن العان ساتتەن باستاپ جوعالعان كۇزەتشىنى ىزدەستىرۋ-قۇتقارۋ جۇمىستارى جۇرگىزىلدى. جۇرگىزىلگەن ىزدەۋ جۇمىستارى ناتيجەسىندە ءۇيىندىنىڭ استىنان كۇزەتشىنىڭ دەنەسى تابىلدى.