شۆەيتساريانىڭ نون قالاسىندا ورنالاسقان ۋەفا-نىڭ شتاب-پاتەرىندە 2023 جىلى وتەتىن ايەلدەر اراسىنداعى ەۋروپا چەمپيوناتىنىڭ ىرىكتەۋ سايىستارىنىڭ جەرەبەسى تارتىلدى.
قازاقستان قۇراماسى «س» توبىنا ءتۇستى. قارسىلاستارىمىز – سلوۆەنيا, بوسنيا مەن گەرتسەگوۆينا جانە ليتۆا فۋتبولشىلارى. بۇل باسەكەلەر 10-15 مامىر ارالىعىندا بالتىق جاعالاۋىندا وتەدى. «ا» توبىندا نيدەرلاند, سەربيا, سولتۇستىك يرلانديا جانە لاتۆيا كۇش سىناسسا, «D» توبىندا بەلگيا, سلوۆاكيا, گيبرالتار جانە مولدوۆا شەبەرلىك بايقاسادى. ءار تورتتىكتە توپ جارعان كوماندالار كەلەسى جىلدىڭ قاڭتار ايىندا شىمىلدىعى تۇرىلەتىن ىرىكتەۋ ءتۋرنيرىنىڭ نەگىزگى بولىگىنە جولداما الادى. ال سول سىناقتان سۇرىنبەي وتكەندەرى قارت قۇرلىقتىڭ ەڭ ۇزدىك كوماندالارى باس قوسقان بايراقتى باسەكەدە ونەر كورسەتۋ مۇمكىندىگىنە يە بولادى.
ەستەرىڭىزگە سالا كەتەيىك, سوڭعى ەۋروپا چەمپيوناتى 2017 جىلى نيدەرلاندتا وتكەن بولاتىن. فينالدا الاڭ يەلەرى دانيا قۇراماسىن 4:2 ەسەبىمەن ۇتىپ, التىننان القا تاقتى.