اتىراۋ پوليتسەيلەرى ءتۇن ورتاسىندا كوپىردەن سەكىرۋگە وقتالعان بويجەتكەندى قۇتقارىپ قالدى, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, وقيعا بۇگىن, 21 اقپاندا بولعان.
«جەدەل باسقارۋ ورتالىعىنىڭ قىزمەتكەرلەرى تۇنگى ساعات 03:08 شاماسىندا «اتىراۋ» شاعىن اۋدانىنداعى كوپىر ۇستىندە بەلىگىسىز ايەل ادامنىڭ كوپىردەن سەكىرگەلى تۇرعانىن بايقاعان. ورتالىقتىڭ كەزەكشى ينسپەكتورى, پوليتسيا كاپيتانى گۇلميرا تازدارباەۆا بۇل تۋرالى راديوقابىلداعىشپەن جاقىن ماڭداعى پاترۋلدىك پوليتسيا باتالونىنىڭ «باتىس» ەكيپاجىنىڭ قىزمەتكەرلەرىنە باعىتتاما بەرگەن. وقيعا پوليتسيا قىزمەتكەرلەرى جەدەل جەتىپ, پوليتسيا اعا لەيتەنانتى ەربولات ماعزوموۆ كوپىردەن سەكىرمەك بولعان 23 جاستاعى بويجەتكەندى قۇتقارىپ قالدى» دەپ حابارلادى دەپارتامەنتتىڭ ءباسپاسوز قىزمەتى.