ەڭبەك جانە حالىقتى الەۋمەتتىك قورعاۋ مينيسترلىگىنىڭ بۇيرىعىمەن جۇمىس ىزدەپ جۇرگەن ادامداردى, جۇمىسسىزداردى تىركەۋ جانە حالىقتى جۇمىسپەن قامتۋ ورتالىقتارى كورسەتەتىن ەڭبەك دەلدالدىعىن جۇزەگە اسىرۋ قاعيدالارىنا وزگەرىستەر ەنگىزىلدى, دەپ حابارلايدى Egemen.kz.
ەندى جۇمىسسىز تۇلعالار جۇمىس ىزدەۋ ءۇشىن «ەلەكتروندىق ەڭبەك بيرجاسى» اقپاراتتىق پورتالىندا تىركەلە الادى.
جالپى, جۇمىس ىزدەپ جۇرگەن ادامدار جۇمىسقا ورنالاسۋعا جاردەمدەسۋ ءۇشىن جۇگىنگەن كەزدە كەلەسى رەسۋرستارعا تىركەلە الادى:
تۇرعىلىقتى جەرى بويىنشا جۇمىسپەن قامتۋ ورتالىعى ارقىلى; «ەلەكتروندىق ۇكىمەت» ۆەب-پورتالى ارقىلى; مەملەكەتتىك كورپوراتسيا ارقىلى; «ەلەكتروندىق ەڭبەك بيرجاسى» اقپاراتتىق پورتالىندا.ەگەر «ەلەكتروندىق ەڭبەك بيرجاسى» اقپاراتتىق پورتالى نەمەسە جۇمىسپەن قامتۋ ورتالىعى بەلگىلەنگەن كەزەڭ وتكەننەن كەيىن قولايلى جۇمىس ۇسىنباسا نەمەسە جۇمىس ىزدەپ جۇرگەن ادام ۇسىنىلعان جۇمىستان باس تارتسا, وندا جۇمىس ىزدەپ جۇرگەن ادام اۆتوماتتى تۇردە جۇمىسسىز رەتىندە تىركەلەدى.
ۇسىنىلعان قۇجاتتاردىڭ نەمەسە دەرەكتەردىڭ دۇرىستىعىن انىقتاعاننان كەيىن حالىقتى جۇمىسپەن قامتۋ ورتالىعى ولار كەلىپ تۇسكەن كۇننەن باستاپ ءبىر جۇمىس كۇنى ىشىندە جۇمىس ىزدەۋشىنى جۇمىس ىزدەپ جۇرگەن ادام رەتىندە تىركەيدى جانە وعان تىركەۋ تۋرالى حابارلاما بەرەدى.
تىركەۋ تۋرالى حابارلامانى بەرۋدى حالىقتى جۇمىسپەن قامتۋ ورتالىعى جەكە كۋالىگىن, ونىڭ ىشىندە تسيفرلىق قۇجاتتار سەرۆيسىنەن ۇسىنعان كەزدە قولحات نەگىزىندە جۇزەگە اسىرادى.
حابارلانعانداي, حابارلاسقان ادام اقپاراتتىق-كوممۋنيكاتسيالىق تەحنولوگيالار نەمەسە ۇيالى بايلانىستىڭ ابونەنتتىك قۇرىلعىسى ارقىلى جۇمىس ىزدەپ جۇرگەن ادام رەتىندە تىركەلۋ تۋرالى حابارلاما الادى.
ەگەر جۇمىسسىز «ەلەكتروندىق ەڭبەك بيرجاسى» اقپاراتتىق پورتالىنداعى «جەكە كابينەتتە» مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسى بولىپ تابىلسا, ول جۇمىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم الۋ ءۇشىن ءوتىنىم مەن بانك شوتىنىڭ ءنومىرىن تولتىرادى.
بۇيرىق 2022 جىلعى 1 ناۋرىزدان باستاپ قولدانىسقا ەنگىزىلەدى.