ءبىرىنشى جارتىلاي ورتا سالماقتاعى قازاقستاندىق بوكسشى جانقوش تۇراروۆتىڭ (25-0, 18 كو) كەلەسى جەكپە-جەگىنىڭ داتاسى بەلگىلى بولدى, دەپ جازادى Egemen.kz.
جانقوش تۇراروۆ رينگكە 19 ناۋرىزدا ورالادى. بوكس كەشى ماسكەۋ قالاسىندا وتەدى. ونىڭ قارسىلاسىنىڭ ەسىمى ءالى اتالعان جوق. جەكپە-جەك 10 راۋندقا ەسەپتەلگەن.
ايتا كەتەيىك, قازاقستاندىق سپورتشى بۇعان دەيىنگى ايقاسىن 2021 جىلدىڭ جەلتوقسانىندا قر تاۋەلسىزدىگىنىڭ 30 جىلدىعىنا ارنالعان بوكس كەشىندە وتكىزىپ قارسىلاسى مىسىرلىق ابدۋمونەم ءسايدتى (22-2-1, 11 كو) 47 سەكۋند ىشىندە نوكاۋتقا تۇسىرگەن ەدى.