BI Group كومپانياسىنىڭ باسشىسى ايدىن راحىمباەۆ قازان ايىندا 100 مىڭ دوللار نەمەسە نۇر-سۇلتان قالاسىنان 3 بولمەلى پاتەر ۇسىنا وتىرىپ اۋىل مەكتەبىنىڭ ديرەكتورلىعىنا كونكۋرس جاريالاعان بولاتىن, دەپ جازادى Egemen.kz.
بۇگىن ايدىن راحىمباەۆ الەۋمەتتىك جەلىدەگى پاراقشاسىندا 480 ۇمىتكەردىڭ ىشىنەن ىرىكتەلگەن پەداگوگتى تانىستىردى. اتالعان قىزمەتكە رەسپۋبليكالىق فيزيكا-ماتەماتيكا مەكتەبىندە ديرەكتوردىڭ ورىنباسارى قىزمەتى مەن لايىقتى جالاقى الىپ وتىرسا دا اۋىل مەكتەبىندە ءبىلىم ساپاسىن كوتەرۋگە ىنتالى بولعان ارالبەك بەرىك ۇلى لايىق دەپ تانىلعان.
«ارالبەك بەرىك ۇلى مۇنداي قادامعا ۋادە ەتىلگەن سىياقى ءۇشىن ەمەس, اۋىل مەكتەبىندەگى ءبىلىم ساپاسىن جاقسارتۋعا شىن پەيىلىمەن كىرىسكەنىن سۇحبات-سىناق بارىسىندا اڭعاردىم. ول وسى كەزەڭ بارىسىندا جالاقىسىنىڭ قانشا بولاتىنىن مۇلدەم سۇرامادى. كەرىسىنشە ارمانىنداعى مەكتەپتى سالۋ جوسپارىن, وندا جۇرگىزىلەتىن جاڭا ءادىس-تاسىلدەردى زور قۇلشىنىسپەن جەتكىزدى. ءتىپتى رەسمي بۇيرىقتى كۇتكەن ءۇش ايدىڭ ىشىندە اۋىل مۇعالىمدەرى مەن وقۋ ۇلگەرىمى تومەن وقۋشىلارمەن جۇمىستى باستاپ كەتتى», دەپ جازدى ايدىن راحىمباەۆ.
سونداي-اق, BI Group كومپانياسىنىڭ باسشىسى تاڭدالعان كانديداتپەن اۋىل مەكتەبىن قايتا سالۋدى عانا ەمەس, وسىنداي مەكتەپتەردەگى ءبىلىم ساپاسىن ىلگەرىلەتەتىن بىرەگەي ءمودۋلدى سىناپ كورۋگە كەلىسكەنىن ايتتى.
ۇزدىك پەداگوگ باس قالادان ايدىن راحىمباەۆتىڭ اۋىلىنا وتباسىمەن بىرگە, 5 بالاسىمەن كوشكەن.
ايدىن راحىمباەۆ ءوز كەزەگىندە ارالبەك بەرىك ۇلىنىڭ اۋىل مەكتەبىن باسقارۋ بۇيرىعىنا وڭ شەشىم تانىتقان قر ءبىلىم جانە عىلىم ءمينيسترى اسحات ايماعامبەتوۆكە العىس ايتتى.
ايتا كەتەيىك, ۇزدىك پەداگوگ ەندى شقو, كوكپەكتى اۋدانى, كازناكوۆكا اۋىلىندا (ق ۇلىنجان), وسكەمەن قالاسىنان 160 شاقىرىم قاشىقتىقتا ورنالاسقان ءبىلىم ورداسىن باسقارادى.