دەنساۋلىق ساقتاۋ مينيسترلىگى مەديتسينالىق جانە فارماتسەۆتيكالىق باقىلاۋ كوميتەتىنىڭ توراعاسى باۋىرجان بايسەركين قاڭتار وقيعاسى كەزىندە زارداپ شەككەن كامەلەتكە تولماعان بالالاردىڭ سانىن ايتتى, دەپ جازادى Egemen.kz.
«مەديتسينالىق ۇيىمداردا 177 ادام قايتىس بولدى. بۇگىندە التى ادام اۋرۋحانادا ەمدەلىپ جاتىر. الماتى مەن قىزىلوردادا ءۇش ناۋقاستىڭ جاعدايى اۋىر, بىرەۋى وق جاراقاتىن العان, ەمدەلىپ جاتىر.ء ۇش وبلىستا كامەلەتكە تولماعان بالالار زارداپ شەككەن. الماتىدا ەكەۋى وق جاراقاتىنان قازا بولدى, جەتەۋى ءتۇرلى وق جاراقاتىمەن اۋرۋحاناعا جەتكىزىلدى. ونىڭ ىشىندە تورت ءجاسوسىپىرم الماتى قالاسىندا, ەكەۋى الماتى وبلىسىندا جانە بىرەۋى جامبىل وبلىسىندا. سونداي-اق الماتى وبلىسىندا ءبىر جۇكتى ايەل گازدان زارداپ شەكتى», دەدى باۋىرجان بايسەركين ورتالىق كوممۋنيكاتسيالار قىزمەتىندە وتكەن بريفينگتە.