ەلوردالىق «استانا» فۋتبول كلۋبىنىڭ جەتەكشىلەرى 1999 جىلعى «التىن دوپ» سىيلىعىنىڭ جەڭىمپازى, ايگىلى ريۆالدونىڭ ۇلى ريۆالدينونى پولشالىق «كراكوۆيا» فۋتبول كلۋبىنان جالعا الماق بولعان, دەپ حابارلايدى Egemen.kz sports.kz-كە سىلتەمە جاساپ.
دەرەكتەرگە سەنسەك, ەلوردالىق كوماندانىڭ باسشىلارى فۋتبولشىنى جالعا الۋ نيەتىمەن پولشالىق كوماندانىڭ جەتەكشىلەرىنە ۇسىنىس جاساعان. الايدا ريۆالدونىڭ ۇلى مۇنداي ۇسىنىستان باس تارتقان. ول ءوزىنىڭ مەنەدجەرلەرىنە اقش نەمەسە تەك قانا برازيليالىق كوماندالاردىڭ ساپىندا ويناعىسى كەلەتىنىن حابارلاپ, باسقا ۇسىنىستاردى قاراۋدان باس تارتاتىنىن جەتكىزگەن.